Beauty News : આપણે આપણા ચહેરા અને હાથની ત્વચાનું જેટલું ધ્યાન રાખીએ છીએ, તેટલુ ધ્યાન આપણે આપણા પગનું નથી રાખી શકતા. ખાસ કરીને પગના નખને આપણે ઘણીવાર અવગણીએ છીએ. આવી સ્થિતિમાં તે ડ્રાય, રફ અને નિર્જીવ દેખાય છે. જો નખની યોગ્ય કાળજી લેવામાં ન આવે તો, તે માત્ર બગડશે જ નહીં પરંતુ ઈન્ફેક્શન પણ થઈ જાય છે. તેથી પગના નખને યોગ્ય રીતે સાફ કરવા ખૂબ જ જરૂરી છે. આજે અમે તમને પગના નખને મજબૂત અને સુંદર બનાવવાની ખૂબ જ સરળ રીત જણાવીશું.
તમારા નખને સાફ કરો
સૌથી પહેલા તમારે એક સારી બ્રાન્ડના નેલ પેઈન્ટ રીમુવરનો ઉપયોગ કરીને નખને સાફ કરવા જોઈએ. આ સિવાય તમારે કોઈપણ અન્ય વસ્તુનો ઉપયોગ કરીને નેલ પેઈન્ટ ન કાઢવો જોઈએ. તેનાથી તમારા નખ રફ અને ડ્રાય થઈ જાય છે.
પગને પાણીમાં પલાળી રાખો
એક થાળી લો અને તેમાં પાણી ભરી લો. પાણીમાં લીંબુનો રસ અને એક ચમચી બેકિંગ સોડા ઉમેરો. સાથે જ થોડું મીઠું પણ નાખો. આ પછી તમે આ મિશ્રણમાં તમારા પગના નખને 5 થી 10 મિનિટ માટે ડુબાડી લો. તેનાથી નખમાં ફસાયેલી ગંદકી ફૂલી જશે અને તેને દૂર કરવામાં સરળતા રહેશે. 10 મિનિટ પછી નેઇલ ક્લિનિંગ ટૂલની મદદથી નખની અંદર એકઠી થયેલી ગંદકીને સાફ કરી લો.
નેઇલ પેક લગાવો
એકવાર નખ સાફ થઈ જાય, તો તમારે તેના પર નેઇલ પેક લગાવવું જોઈએ. બજારમાં તમને ઘણી સારી બ્રાન્ડના નેઇલ પેક મળી જશે, જેને તમે ઘરે પણ બનાવી શકો છો. આ માટે તમે 1 ચમચી ઓટ્સ પાવડર લો અને તેમાં દહીં મિક્સ કરી લો. આ મિશ્રણને પગના નખ પર લગાવો અને 15 થી 20 મિનિટ પછી નખને સાફ કરી લો. તેનાથી તમારા નખમાં ચમક આવશે.
નખની આસપાસની ડેડ સ્કિન દૂર કરો
નખની આસપાસની જે ડેડ સ્કિન હોય છે, તેને કાઢવી પણ જરૂરી હોય છે. આ માટે બેસ્ટ છે કે તમે ડેડ સ્કિન દૂર કરવાના સાધનોનો ઉપયોગ કરો. તમને તે સાધનો બજારમાં મળી જશે. ડેડ સ્કિન દૂર કરતી વખતે તમારે એ વાતનું ખાસ ધ્યાન રાખવું જોઈએ કે તમે ફક્ત ડેડ સ્કિનને જ દૂર કરો, નહીં તો તમને વાગી થઈ શકે છે, જે ખૂબ જ વધુ પીડાદાયક હોય છે.
નખ કાપો અને શેપ આપો
નખને નેઇલ કટર વડે કાપી લો અને સારો શેપ પણ આપો. તેનાથી તમારા નખ વધુ સુંદર લાગશે. આ સાથે જ નખને ફાઈલર વડે ફાઈલ પણ કરો, જેથી તેનો ખરબચડો ભાગ દૂર થઈ જાય.
નેઇલ ક્યુટિકલ્સની મસાજ કરો
જ્યારે તમારા નખ ફાઈલ થઈ જાય ત્યારે ઓલિવ ઓઈલથી નખની મસાજ કરો. 2થી 5 મિનિટ સુધી મસાજ કર્યા પછી તમે નખને 10 મિનિટ માટે આરામ આપો. આ પછી તમને તમારા પગના નખ ખૂબ ચમકતા જોવા મળશે.
નેઇલ પેઇન્ટ લગાવો
છેલ્લે તમારા પગના નખ પર પસંદગીનો નેઇલ પેઇન્ટ લગાવી લો. આ રીતે દર 10 દિવસમાં એકવાર તમે ઉપર જણવેલી પ્રક્રિયાનું પુનરાવર્તન કરો.
