BJP: ભાજપે તેના રાજ્યસભાના સભ્ય અને રાષ્ટ્રીય મહાસચિવ રાધા મોહન દાસ અગ્રવાલને રાજસ્થાનના પાર્ટી પ્રભારી તરીકે અને ભૂતપૂર્વ લોકસભા સાંસદ હરીશ દ્વિવેદીને આસામના પ્રભારી તરીકે નિયુક્ત કર્યા છે. પાર્ટીએ એક નિવેદનમાં કહ્યું કે તેના રાષ્ટ્રીય અધ્યક્ષ જેપી નડ્ડાએ અરવિંદ મેનનને તમિલનાડુના પ્રભારી અને પૂર્વ સાંસદ રાજદીપ રોયને ત્રિપુરાના પ્રભારી બનાવ્યા છે. તમને જણાવી દઈએ કે મેનન પહેલાથી જ આ જવાબદારી સંભાળી રહ્યા હતા, તેમને ફરીથી સંભાળવાનો મોકો મળ્યો છે.
ભાજપ મહિલા મોરચાના ભૂતપૂર્વ વડા વિજયા રાહટકરને રાજસ્થાનમાં સંગઠનાત્મક બાબતોના સહ-પ્રભારી અને સુધાકર રેડ્ડીને તમિલનાડુમાં બનાવવામાં આવ્યા છે. આ સિવાય બીજેપીએ બિહારના નાયબ મુખ્યમંત્રી સમ્રાટ ચૌધરીના સ્થાને મંત્રી દિલીપ કુમાર જયસ્વાલને પ્રદેશ અધ્યક્ષ બનાવ્યા છે. જ્યારે રાજસ્થાનમાં સીપી જોશીના સ્થાને રાજ્યસભાના સાંસદ મદન રાઠોડને પ્રદેશ અધ્યક્ષ બનાવવામાં આવ્યા છે.
