CBI સીબીઆઈ પશ્ચિમ બંગાળના કોલકાતામાં આરજી કર મેડિકલ કોલેજ-હોસ્પિટલમાં મહિલા ડૉક્ટર પર બળાત્કાર અને હત્યાના કેસની તપાસ કરી રહી છે. સીબીઆઈ આ કેસમાં ધરપકડ કરાયેલા સંજય રોયનો નાર્કો ટેસ્ટ કરાવવાની યોજના બનાવી રહી છે. કેન્દ્રીય તપાસ એજન્સીએ સિયાલદહ કોર્ટમાં અપીલ કરી છે અને સંજય રોયનો નાર્કો ટેસ્ટ કરાવવાની પરવાનગી માંગી છે. (kolkata doctor rape murder accused)
આ વિશે માહિતી આપતાં એક અધિકારીએ કહ્યું કે, “આ મુખ્યત્વે એ તપાસવા માટે છે કે શું સંજય રોય સાચું બોલી રહ્યા છે કે નહીં.” સીબીઆઈ અધિકારીએ કહ્યું કે નાર્કો ટેસ્ટ દરમિયાન સંજય રોયના શરીરમાં સોડિયમ પેન્ટોથલ ડ્રગનું ઈન્જેક્શન આપવામાં આવશે, જેના કારણે તે હિપ્નોટિક અવસ્થામાં જશે. અધિકારીએ કહ્યું કે, “ઘણા કેસમાં આરોપીએ નાર્કો ટેસ્ટ દરમિયાન સાચી માહિતી આપી છે.” સીબીઆઈ સંજય રોયનો પોલીગ્રાફી ટેસ્ટ કરી ચૂકી છે.
શું છે સમગ્ર મામલો?
કોલકાતાની આરજી કાર મેડિકલ કોલેજ-હોસ્પિટલમાં જુનિયર ડૉક્ટર સાથે નિર્દયતાની ઘટના 9 ઓગસ્ટના રોજ બની હતી. મૃતક મેડિકલ કોલેજના ચેસ્ટ મેડિસિન વિભાગના બીજા વર્ષનો અનુસ્નાતક વિદ્યાર્થી અને તાલીમાર્થી ડોક્ટર હતો. 8 ઓગસ્ટના રોજ પોતાની ડ્યુટી પૂરી કર્યા બાદ રાત્રે 12 વાગે મિત્રો સાથે ડિનર કર્યું હતું. ત્યારપછી મહિલા તબીબનો કોઈ પત્તો લાગ્યો ન હતો. ઘટનાના બીજા દિવસે સવારે ચોથા માળે આવેલા સેમિનાર હોલમાંથી ડોક્ટરની અર્ધ નગ્ન અવસ્થામાં લાશ મળી આવતા મેડિકલ કોલેજમાં ચકચાર મચી ગઈ હતી. ઘટનાસ્થળેથી મૃતકનો મોબાઈલ ફોન અને લેપટોપ મળી આવ્યો હતો. પ્રારંભિક પોસ્ટમોર્ટમ રિપોર્ટમાં ખુલાસો થયો છે કે મહિલા ડૉક્ટર સાથે બળાત્કારની ઘટના બની હતી. જુનિયર મહિલા ડોક્ટરની લાશ ગાદલા પર પડી હતી અને ગાદલા પર લોહીના ડાઘા જોવા મળ્યા હતા. પ્રારંભિક પોસ્ટમોર્ટમ રિપોર્ટમાં જણાવાયું છે કે મૃતક મહિલા ડૉક્ટરને તેના મોં અને બંને આંખો પર ઈજાઓ હતી. પ્રાઈવેટ પાર્ટ પર લોહીના નિશાન અને ચહેરા પર નખના નિશાન જોવા મળ્યા હતા. હોઠ, ગરદન, પેટ, ડાબા પગની ઘૂંટી અને જમણા હાથની આંગળી પર ઈજાના નિશાન હતા. (,Sanjay Roy doctor rape murder case,)
સુપ્રીમ કોર્ટે કેજરીવાલની ધડપકડ ને ગણાવી યોગ્ય, તો પછી જામીન કેમ આપ્યા?
