આ પૂર્વ ક્રિકેટર ફટકારી ચૂક્યો છે ૨૭ સદી ભૂતપૂર્વ રણજી સ્ટાર બેટ્સમેન મ્ઝ્રઝ્રૈં ના પ્રમુખ બનવાના દાવેદાર દિલ્હી રણજી ટ્રોફીના ભૂતપૂર્વ સ્ટાર બેટ્સમેન મિથુન મનહાસને BCCI પ્રમુખ પદ માટે ચૂંટવામાં આવ્યા છે
ભારતીય ક્રિકેટ કંટ્રોલ બોર્ડ (BCCI) ને ટૂંક સમયમાં નવા પ્રમુખ મળશે. અહેવાલ મુજબ, દિલ્હી રણજી ટ્રોફીના ભૂતપૂર્વ સ્ટાર બેટ્સમેન મિથુન મનહાસને BCCI પ્રમુખ પદ માટે ચૂંટવામાં આવ્યા છે. દિલ્હીમાં યોજાયેલી એક મહત્વપૂર્ણ બેઠકમાં તેમના નામને મંજૂરી આપવામાં આવી હતી. ભૂતપૂર્વ ઓલરાઉન્ડર રોજર બિન્નીના રાજીનામા બાદ મ્ઝ્રઝ્રૈં પ્રમુખનું પદ ત્રણ અઠવાડિયાથી ખાલી હતું.
મિથુન મનહાસે ભલે ભારતીય ટીમમાં આંતરરાષ્ટ્રીય ક્રિકેટ રમ્યું ન હોય, પરંતુ સ્થાનિક ક્રિકેટમાં તેમનું ખૂબ સન્માન કરવામાં આવે છે. તેમણે ૧૯૯૭/૯૮ સીઝનમાં દિલ્હી માટે ફર્સ્ટ-ક્લાસ ડેબ્યૂ કર્યું હતું અને ઝડપથી ટીમના મિડલ ઓર્ડરનો આધાર બની ગયા હતા.
તેમની કારકિર્દીનો સૌથી મહત્વપૂર્ણ ક્ષણ ૨૦૦૭/૦૮ રણજી ટ્રોફી સીઝન હતો, જ્યારે તેમણે દિલ્હીની ૧૬ વર્ષ જૂની જીતમાં મુખ્ય ભૂમિકા ભજવી હતી. લગભગ બે દાયકાની કારકિર્દીમાં, તેમણે ૧૫૭ ફર્સ્ટ-ક્લાસ મેચોમાં ૯૭૧૪ રન બનાવ્યા, જેમાં ૨૭ સદી અને ૪૯ અડધી સદીનો સમાવેશ થાય છે. બાદમાં તેઓ જમ્મુ અને કાશ્મીર માટે રમ્યા અને છેલ્લે ૨૦૧૬માં રમ્યા.
મનહાસ આઈપીએલમાં પણ હાજરી આપી ચૂક્યા છે. તેમણે દિલ્હી ડેરડેવિલ્સ, પુણે વોરિયર્સ ઈન્ડિયા અને ચેન્નાઈ સુપર કિંગ્સ જેવી ફ્રેન્ચાઇઝી માટે ક્રિકેટ રમી છે. નિવૃત્તિ પછી, તેમણે કોચિંગ સંભાળ્યું અને ૨૦૧૮માં દિલ્હી રણજી ટીમના મુખ્ય કોચ બન્યા. ત્યારબાદ તેઓ પંજાબ કિંગ્સ અને રોયલ ચેલેન્જર્સ બેંગ્લોરમાં જાેડાયા. તાજેતરમાં, તેઓ ગુજરાત ટાઇટન્સના સહાયક બેટિંગ કોચ તરીકે સેવા આપી રહ્યા છે.
BCCI પ્રમુખ પદ માટે પસંદગી ઘણીવાર રાજકીય ગતિશીલતા સાથે જાેડાયેલી રહી છે. ક્રિકબઝના અહેવાલ મુજબ, બીસીસીઆઈના વરિષ્ઠ અધિકારીઓ અને શાસક પક્ષ ભાજપના નેતાઓ વચ્ચે દિલ્હીમાં બેઠકો દરમિયાન મનહાસના નામ પર સંમતિ સધાઈ હોવાનું કહેવાય છે. ગૃહમંત્રી અમિત શાહના નિવાસસ્થાને પણ આ મુદ્દા પર ચર્ચા થઈ હતી.
જાે મિથુન મનહાસ સત્તાવાર રીતે BCCI પ્રમુખ બને છે, તો તે પહેલી વાર હશે જ્યારે દિલ્હીનો ભૂતપૂર્વ રણજી સ્ટાર અને અનુભવી સ્થાનિક ખેલાડી આ પદ પર પહોંચશે. BCCI ને વિશ્વનું સૌથી શક્તિશાળી ક્રિકેટ બોર્ડ માનવામાં આવે છે, તેથી મનહાસની જવાબદારીઓ નોંધપાત્ર હશે. મિથુન મનહાસ હાલમાં જમ્મુ અને કાશ્મીર ક્રિકેટ એસોસિએશન (JKCA) ના પ્રશાસક છે અને સ્થાનિક ક્રિકેટમાં સક્રિય ભૂમિકા ભજવે છે.
