પથુમ નિસાન્કા ઈજાના કારણે પહેલી ટેસ્ટમાંથી બહાર ભારત સામેની પહેલી ટેસ્ટ માટે શ્રીલંકાની ટીમ જાહેર ૧૫ ઓગસ્ટથી ગાલેમાં રમાનારી ભારત સામેની પ્રથમ ટેસ્ટ માટે શ્રીલંકાએ ૧૬ સભ્યોની ટીમની જાહેરાત કરી ક્રિકેટ ચાહકો માટે મોટા સમાચાર આવી ગયા છે! ભારત અને શ્રીલંકા વચ્ચે આગામી ૧૫ ઓગસ્ટથી શરૂ થનારી ટેસ્ટ સિરીઝ માટે શ્રીલંકા ક્રિકેટ બોર્ડે પોતાની ટીમની જાહેરાત કરી દીધી છે. ગાલે ઇન્ટરનેશનલ ક્રિકેટ સ્ટેડિયમમાં રમાનારી આ પહેલી ટેસ્ટ મેચ માટે બંને ટીમો કમર કસી રહી છે.
ભારતીય ટીમ તો મંગળવારે જ ગાલે પહોંચી ગઈ છે, ત્યારે હવે યજમાન શ્રીલંકાએ પણ પોતાના ૧૬ યોદ્ધાઓના નામ જાહેર કરી દીધા છે.
શ્રીલંકાની આ ૧૬ સભ્યોની ટીમની કમાન ધનંજય ડી સિલ્વાને સોંપવામાં આવી છે. જાેકે, ટીમ અને તેના ચાહકો માટે એક ખરાબ સમાચાર એ છે કે તેમના સ્ટાર બેટ્સમેન પથુમ નિસાન્કાને ઈજા થઈ હોવાથી તે આ પહેલી ટેસ્ટમાંથી બહાર થઈ ગયો છે.
ટીમમાં એક મોટો ફેરફાર જાેવા મળ્યો છે. અનુભવી વિકેટકીપર-બેટ્સમેન નિરોશન ડિકવેલા ફરી એકવાર શ્રીલંકન ટીમમાં પાછો ફર્યો છે. ૩૩ વર્ષીય ડિકવેલાનો અનુભવ ટીમ માટે ઘણો કામ લાગી શકે છે. તેણે અત્યાર સુધીમાં ૫૪ ટેસ્ટ મેચોની ૯૬ ઇનિંગ્સ રમી છે, જેમાં ૨૨ અડધી સદી ફટકારીને કુલ ૨૭૫૭ રન બનાવ્યા છે. આ ઉપરાંત, ટીમમાં એક નવો ચહેરો પણ સામેલ કરાયો છે – અનકેપ્ડ ઓફ-સ્પિનર કેસરા નુવંથા. ગાલેની પિચ હંમેશા સ્પિનરોને મદદ કરે છે, ત્યારે આ નવો ખેલાડી ભારતીય બેટ્સમેનો માટે મહત્વપૂર્ણ પડકાર સાબિત થઈ શકે છે.
પહેલી ટેસ્ટ માટે શ્રીલંકાની સંપૂર્ણ ટીમ: ધનંજય ડી સિલ્વા (કેપ્ટન), કમિન્ડુ મેન્ડિસ (ઉપ-કેપ્ટન), લાહિરુ ઉદારા, નિશાન મદુષ્કા, દિનેશ ચંદીમલ, પાસિન્ડુ સૂરિયાબંદારા, સોનલ દિનુષા, નિરોશન ડિકવેલા (વિકેટકીપર), રમેશ મેન્ડિસ, પ્રભાત જયસૂર્યા, કેસરા નુવંથા, મિલન રથનાયકે, અસિતા ફર્નાન્ડો, લાહિરુ કુમાર, વિશ્વ ફર્નાન્ડો, દિલશાન મદુષ્ંકા.
જાે ગાલે ઇન્ટરનેશનલ ક્રિકેટ સ્ટેડિયમના રેકોર્ડ પર નજર કરીએ, તો અહીં ભારત અને શ્રીલંકા વચ્ચે અત્યાર સુધીમાં કુલ ૫ ટેસ્ટ મેચો રમાઈ છે. જેમાં યજમાન શ્રીલંકાનો હાથ ઉપર રહ્યો છે; તેમણે ૩ મેચ જીતી છે જ્યારે ભારતે ૨ મેચમાં જીત મેળવી છે. જાેકે, રસપ્રદ વાત એ છે કે અહીં છેલ્લી વખત બંને ટીમો ૨૦૧૭ માં ટકરાઈ હતી, જેમાં ટીમ ઈન્ડિયાએ શ્રીલંકાને ૩૦૪ રનના જંગી અંતરથી હરાવીને શાનદાર વિજય નોંધાવ્યો હતો.
એક ખાસ વાત એ પણ છે કે, ભારતની વર્તમાન ટીમમાં સામેલ મોટાભાગના ખેલાડીઓ પહેલીવાર શ્રીલંકાની ધરતી પર ટેસ્ટ મેચ રમવા ઉતરશે. માત્ર રવિન્દ્ર જાડેજા, કેએલ રાહુલ અને કુલદીપ યાદવ જ એવા ખેલાડીઓ છે જેમને આ પહેલા શ્રીલંકામાં ટેસ્ટ રમવાનો અનુભવ છે.
ભારત અને શ્રીલંકા વચ્ચેની આ રોમાંચક પહેલી ટેસ્ટ મેચનું લાઈવ પ્રસારણ તમે સોની સ્પોર્ટ્સ નેટવર્કની ચેનલો પર જાેઈ શકશો. જાે તમે મોબાઈલ કે લેપટોપ પર મેચ જાેવા માંગતા હોવ, તો સોની લિવ એપ અને તેમની વેબસાઇટ પર લાઈવ સ્ટ્રીમિંગ ઉપલબ્ધ રહેશે. આ મેચ ભારતીય સમય મુજબ સવારે ૧૦:૦૦ વાગ્યે શરૂ થશે.
