ઇઝરાયેલ અને હમાસ વચ્ચે યુદ્ધ ચાલુ છે. આ દરમિયાન અમેરિકી રાષ્ટ્રપતિ જો બિડેને ઈઝરાયેલના વડાપ્રધાન બેન્જામિન નેતન્યાહુને ચેતવણી આપી છે. અમેરિકી રાષ્ટ્રપતિએ આ ચેતવણી ઈઝરાયેલની સૈન્ય કાર્યવાહીને લઈને આપી છે. 7 ઓક્ટોબરથી ઈઝરાયેલ અને હમાસ વચ્ચે ભીષણ યુદ્ધ ચાલી રહ્યું છે. આ યુદ્ધમાં ઇઝરાયલી સૈનિકોએ ઇજિપ્ત સાથેની રફાહ સરહદ પર કાર્યવાહી શરૂ કરી હતી. આટલું જ નહીં ઈઝરાયેલે ગ્રાઉન્ડ એટેકનો પણ સંકેત આપ્યો હતો. આ દરમિયાન અમેરિકી રાષ્ટ્રપતિ જો બિડેને નેતન્યાહુને નાગરિકોની સુરક્ષાને ધ્યાનમાં રાખીને લશ્કરી કાર્યવાહી કરવાની ચેતવણી આપી છે.
આ સંબંધમાં વ્હાઇટ હાઉસે જણાવ્યું હતું કે જો બિડેને ગુરુવારે ઇઝરાયલના પીએમને કહ્યું હતું કે પેલેસ્ટિનિયન નાગરિકોની સુરક્ષા માટે વિશ્વસનીય અને અમલીકરણ યોગ્ય યોજના વિના રફાહ સરહદ પર સૈન્ય કાર્યવાહી ન કરવી જોઈએ.
એક અઠવાડિયાથી ઓછા સમયમાં બીજી વખત ગુરુવારે બંને નેતાઓ વચ્ચે વાતચીત થઈ. આ દરમિયાન બિડેને નેતન્યાહૂને ગાઝા પટ્ટીના દક્ષિણ ભાગમાં જવા અંગે ચેતવણી આપી હતી. આ સિવાય બંધકોને મુક્ત કરવાની પણ વાત થઈ હતી.
રફા બોર્ડર ક્યાં છે, શું છે તેનું મહત્વ?
ગાઝાની કુલ વસ્તી 2.3 મિલિયન છે, જેમાંથી અડધાથી વધુ હવે રફાહમાં છે. હજારો લોકો અહીં વિશાળ ટેન્ટ કેમ્પ અને ગીચ યુએન આશ્રયસ્થાનોમાં રહે છે. આ રાફા આશ્રય ઉપરાંત મદદનું દ્વાર પણ બની ગયું છે. વાસ્તવમાં, ગાઝા પટ્ટીમાં લોકો અને માલસામાનની અવરજવર ત્રણ ક્રોસિંગ દ્વારા થાય છે. આમાં પ્રથમ રફાહ ક્રોસિંગ છે જે ઇજિપ્તના નિયંત્રણ હેઠળ છે. બીજો ઇરેઝ અને ત્રીજો કેરેમ શાલોમ ક્રોસિંગ છે જે ઇઝરાયેલ દ્વારા નિયંત્રિત છે.
