પ્રતિબંધિત તહરીક-એ-તાલિબાન પાકિસ્તાન (TTP)ને પાકિસ્તાનમાં આતંકવાદી હુમલાઓ કરવા માટે અફઘાન તાલિબાન, અલ કાયદા અને અન્ય આતંકવાદી સંગઠનોનો ટેકો મળી રહ્યો છે. સંયુક્ત રાષ્ટ્ર (યુએન)ના રિપોર્ટને ટાંકીને ગુરુવારે આ દાવો કરવામાં આવ્યો હતો.
સુરક્ષા પરિષદ સમિતિને સુપરત કરાયેલા રિપોર્ટમાં આ માહિતી સામે આવી છે
ડોન ન્યૂઝે અહેવાલને ટાંકીને કહ્યું છે કે આ માહિતી અલકાયદા અને તાલિબાન મોનિટરિંગ ટીમ દ્વારા સંયુક્ત રાષ્ટ્ર સુરક્ષા પરિષદ સમિતિને સોંપવામાં આવેલા 33મા રિપોર્ટમાંથી આવી છે.
પ્રતિબંધિત આતંકવાદી સંગઠન ટીપીપીને પાકિસ્તાન વિરુદ્ધ જે સમર્થન મળી રહ્યું છે તેમાં માત્ર શસ્ત્રો અને સાધનસામગ્રી સામેલ નથી, પરંતુ તેને સક્રિય ઈન્ફ્રાસ્ટ્રક્ચર સપોર્ટ પણ મળી રહ્યો છે.
ટીટીપીએ અહીં આત્મઘાતી બોમ્બરોને તાલીમ આપી હતી
પાકિસ્તાનમાં મોટા આતંકવાદી હુમલાઓ માટે જવાબદાર TTP પ્રત્યે અફઘાન તાલિબાનના ઉદાસીન વલણ પર ઈસ્લામાબાદે નિરાશા વ્યક્ત કરી છે. TTPએ 2023ના મધ્યમાં ખૈબર પખ્તુનખ્વામાં એક નવો બેઝ બનાવ્યો હતો, જ્યાં મોટી સંખ્યામાં આત્મઘાતી બોમ્બરોને તાલીમ આપવામાં આવી હતી.
