સર્વેની ટીમ સંભલની જામા મસ્જિદમાં પહોંચ્યા બાદ ગુસ્સે ભરાયેલા લોકોએ પોલીસ પર પથ્થરમારો કર્યો હતો. આ પછી પોલીસે ટીયર ગેસના શેલ છોડીને ભીડને વિખેરી નાખી હતી. સ્થિતિને ધ્યાનમાં રાખીને પોલીસે નજીકના પોલીસ સ્ટેશનોમાંથી પણ દળો તૈનાત કરી દીધા છે. હંગામા બાદ શરૂ થયેલો સર્વે અઢી કલાક બાદ પુરો થયો હતો. સર્વે ટીમમાં એડવોકેટ વિષ્ણુ શંકર જૈન પણ સામેલ હતા. સર્વે બાદ પોલીસ ટીમ તેને ભારે સુરક્ષામાં મસ્જિદ પરિસરમાંથી બહાર લાવી હતી.
સર્વે માટે ત્યાં પહોંચેલી ટીમનો લોકોએ વિરોધ શરૂ કર્યો. આ પછી જ્યારે પોલીસે તેમનો પીછો કર્યો તો લોકોએ પથ્થરમારો શરૂ કર્યો. આ દરમિયાન પોલીસે ભીડને કાબૂમાં લેવા માટે ટીયર ગેસના સેલ છોડ્યા હતા. હાલ પરિસ્થિતિ તંગ છે. ડીએમ અને એસપી ઘટનાસ્થળે છે. પથ્થરમારો અને ટીયરગેસ બાદ પરિસ્થિતિ કાબૂ બહાર જતાં ટોળાએ એક વાહનને આગ ચાંપી દીધી હતી. પોલીસ શાંતિની અપીલ કરી રહી છે. સ્થિતિ વણસી રહી છે.
તમને જણાવી દઈએ કે આજે સવારે 6 વાગે ડીએમ-એસપીની સાથે એક ટીમ જામા મસ્જિદના સર્વે માટે પહોંચી હતી. સવારે ટીમને જોઈને મુસ્લિમ સમાજના લોકો ગુસ્સે થઈ ગયા હતા. લોકોએ રજાના દિવસે સર્વેને લઈને પ્રશ્નો ઉઠાવ્યા હતા. આ પછી મસ્જિદની બહાર 1 હજારથી વધુ લોકોની ભીડ એકઠી થઈ ગઈ. આ દરમિયાન જ્યારે ભીડ મસ્જિદમાં પ્રવેશવા લાગી તો પોલીસે તેને રોકવાનો પ્રયાસ કર્યો. આ પછી નાસભાગ મચી ગઈ હતી.
જાણો SPએ શું કહ્યું?
પથ્થરમારો અને હંગામો અંગે એસપી કેકે વિશ્નોઈએ કહ્યું કે માનનીય કોર્ટના આદેશ પર ટીમ સર્વે માટે પહોંચી હતી. તે સાંજે સર્વે યોગ્ય રીતે થઈ શક્યો ન હતો, તેથી આજે સવારે તે નક્કી કરવામાં આવ્યું હતું. જામિયા કમિટી પણ સર્વે માટે સંપૂર્ણ સહકાર આપી રહી હતી. આ દરમિયાન ત્યાં અચાનક ભીડ એકઠી થઈ ગઈ અને મસ્જિદમાં ઘૂસવા લાગી. આ પછી પોલીસે લાઠીચાર્જ કરીને તમામને ભગાડી મૂક્યા હતા.
જાણો શું છે વિવાદ
સંભલની શાહી મસ્જિદ શ્રી હરિહર મંદિર હોવા અંગેની અરજી પર કોર્ટમાં સુનાવણી હાથ ધરવામાં આવી હતી. કોર્ટે મસ્જિદનો સર્વે કરીને એક સપ્તાહમાં રિપોર્ટ રજૂ કરવાનો આદેશ આપ્યો છે. વહીવટીતંત્રે 26 નવેમ્બરે રિપોર્ટ રજૂ કરવાનો છે. આ મામલામાં સુનાવણી 29 નવેમ્બરે થશે. હિંદુ પક્ષનું કહેવું છે કે બાબરના શાસન દરમિયાન તેને 1529માં મસ્જિદમાં રૂપાંતરિત કરવામાં આવ્યું હતું.
