૨ કરોડથી વધુનો જથ્થો જપ્તબાલાસિનોર નજીક એરંડાની આડમાં ગાંજાની ખેતી થઇ.પોલીસે બાતમીના આધારે રેડ કરતા ખેતરમાંથી ૨૫૮ ગાંજાના છોડ મળી આવ્યા હતા.મહીસાગર જિલ્લામાં બાલાસિનોર તાલુકાના વડદલા ગામમાંથી પોલીસે ગાંજાની મોટા પાયે ખેતીનો પર્દાફાશ કર્યો છે. એરંડાની આડમાં ગાંજાના છોડ વાવેતર કરવામાં આવ્યું હતું. હાલ પોલીસે ૨ કરોડ રૂપિયાના જથ્થા સાથે એક આરોપીને ધરપકડ કરી છે.
બાલાસિનોર પોલીસને બાતમી મળી હતી કે વડદલા ગામના રત્નાજીના મુવાડા વિસ્તારમાં ગેરકાયદે રીતે ગાંજાની ખેતી કરવામાં આવી રહી છે. ખેતરમાં એરંડાની ખેતીની આડમાં અને મોટા છોડની વચ્ચે મોટા પ્રમાણમાં ગાંજાના છોડનું વાવેતર કરવામાં આવ્યું હતું.
પોલીસે બાતમીના આધારે રેડ કરતા ખેતરમાંથી ૨૫૮ ગાંજાના છોડ મળી આવ્યા હતા, જેની બજાર કિંમત ૨ કરોડ ૩૬ લાખ ૯૮ હજાર રૂપિયા આંકવામાં આવી છે. આ મામલે પોલીસે વાઘજીભાઈ પરમાર નામના વ્યક્તિ સામે ગુનો નોંધીને કાયદેસરની કાર્યવાહી હાથ ધરી છે.
