‘તે માત્ર એક વ્યવસાયિક ર્નિણય હતો’ કાજાેલે ‘કિસ’ ન કરવાની પોલીસી તોડવાનો શું ખુલાસો કર્યાે ? કાજાેલે ત્રણ દાયકાની કારકીર્દી પછી ‘કિસ’ માટેનો નિયમ ‘ધ ટ્રાયલ’ વેબસીરીઝ માટે તોડયો હતો કાજાેલે આખરે ’ધ ટ્રાયલ’ વેબ સિરીઝમાં પડદા પર કિસ ન કરવાના તેના જૂના નિયમને તોડવા વિશે ખુલીને વાત કરી છે.
તેણે સંકેત આપ્યો કે આ ર્નિણય તેના પાત્ર સાથે ઊંડો જાેડાયેલો હતો, જે પાત્ર જીશુ સેનગુપ્તાની સામે હતું.પોતાની કારકિર્દીના લગભગ ત્રણ દાયકા પછી, કાજાેલે આ નિયમ તોડવા પાછળનું કારણ સમજાવતા કહ્યું કે, આ ર્નિણય સ્ક્રિપ્ટ અને પાત્રની માંગને કારણે લેવામાં આવ્યો હતો.કાજાેલે ૨૦૨૩ માં ‘ધ ટ્રાયલ – પ્યાર, કાનૂન, ધોખા’દ્વારા ઓટીટી પર શરૂઆત કરી હતી, જેમાં તેણે સહ-કલાકાર જીશુ સેનગુપ્તા સાથે એક કિસિંગ સીન કર્યાે હતો. લીલી સિંહના પોડકાસ્ટમાં વાત કરતા કાજાેલે કહ્યું કે, આ ક્ષણ કોઈ કારણ વગર ઉમેરવામાં નહોતી આવી, પરંતુ તે પાત્રની ભાવનાત્મક સફરનો એક મહત્વનો ભાગ હતી.જ્યારે તેને આ નિયમ છોડવા વિશે પૂછવામાં આવ્યું, ત્યારે ૫૧ વર્ષીય અભિનેત્રીએ કહ્યું કે આ પસંદગી તેણે જે પાત્ર ભજવ્યું હતું તેના પર આધારિત હતી. તેણે કહ્યું, ‘સાચું કહું તો, તે હું જે પાત્ર ભજવી રહી હતી તેના કારણે હતું. તેને પાત્રની વિચારસરણી અને તે શું ઈચ્છતી હતી તેની સાથે લેવાદેવા હતા. તે માત્ર એક કિસ નહોતી; તે એ વિશે હતું કે તે શું વિચારતી હતી, તે શું ઈચ્છતી હતી અને તેની સાથે શું નહોતું થયું.’ તેણે આગળ ઉમેર્યું, ‘તે આખી સ્ક્રિપ્ટનો એટલો મહત્વનો ભાગ હતો કે હું તે પાત્રના મહત્વના હિસ્સાને નુકસાન પહોંચાડ્યા વગર તેને કાઢી શકી ન હોત.’કાજાેલે એ વાતનો પણ સ્વીકાર કર્યાે કે જ્યાં સુધી તે સેટ પર ઊભી નહોતી રહી, ત્યાં સુધી તે આ બાબતે ખૂબ જ અસહજ હતી. તેણે કહ્યું, ‘મને લાગે છે કે હું તેનાથી અસહજ હતી. જ્યાં સુધી હું સેટ પર નહોતી પહોંચી ત્યાં સુધી મને આ વિચારમાં સંકોચ થતો હતો. મને આ વાત સિદ્ધાંતમાં ગમી હતી, પણ હું ખરેખર તે કરી શકીશ કે નહીં તેની મને ખાતરી નહોતી. મને લાગે છે કે તે માત્ર એક પ્રોફેશનલ કોલ હતો, જ્યાં મને લાગ્યું કે આજે હું આ ર્નિણય લઈ શકું છું.’પોતાના કામ પ્રત્યેના અભિગમ વિશે વાત કરતા તેણે કહ્યું કે, તે હંમેશા પોતાની પસંદગીઓ બાબતે સ્પષ્ટ રહી છે. તેણે નોંધ્યું કે જ્યારે તેણે શરૂઆત કરી હતી ત્યારે તે નાની હતી અને વધુ વિચાર્યા વગર માત્ર પોતાની કુદરતી વૃત્તિ પર કામ કરતી હતી, ભલે પછી તેના પરિણામો હંમેશા સારા ન આવતા હોય. ‘દિલવાલે દુલ્હનિયા લે જાયેંગે’, ‘કભી ખુશી કભી ગમ’ અને ’કુછ કુછ હોતા હૈ’ જેવી ફિલ્મો માટે જાણીતી કાજાેલે ’ધ ટ્રાયલ’ દ્વારા ડિજિટલ દુનિયામાં પ્રવેશ કર્યાે છે, જે તેની કારકિર્દીનો એક મોટો બદલાવ છે.આ સિરીઝમાં તે નોયોનિકા સેનગુપ્તાનું પાત્ર ભજવે છે, જે એક ગૃહિણી છે અને તેના પતિના કૌભાંડ પછી પોતાની વકીલાતની કારકિર્દીમાં પાછી ફરે છે. સુપર્ણ વર્મા દ્વારા ર્નિદેશિત આ કોર્ટરૂમ ડ્રામા વિદેશી શો ’ધ ગુડ વાઈફ’ નું ભારતીય રૂપાંતરણ છે અને તેમાં અલી ખાન અને શીબા ચઢ્ઢા પણ જાેવા મળે છે. આ શોની બીજી સીઝન ગયા વર્ષે રિલીઝ થઈ હતી અને તે અત્યારે જિયો હોટસ્ટાર પર જાેવા મળે છે.
