દિલ્હીના પાર્કમાં જમીન પર બેસીને કર્યું ભોજન રિક્ષા ચાલકોની વેદના સાંભળવા પાર્કમાં પહોંચ્યા રાહુલ ગાંધી મોંઘવારીની આ માર વચ્ચે રાહુલ ગાંધીએ ઓટો ડ્રાઇવરોની તકલીફોને સમજવા માટે ખાસ બેઠક કરી કોંગ્રેસ નેતા અને લોકસભાના વિપક્ષ નેતા રાહુલ ગાંધીએ દિલ્હીમાં ઓટો ડ્રાઇવરો સાથે મુલાકાત કરીને તેમની મુશ્કેલીઓ જાણી છે. ઈરાન સંકટ અને મિડલ ઈસ્ટમાં ચાલી રહેલા તણાવને કારણે દેશમાં પેટ્રોલ, ડીઝલ અને CNG ભાવ સતત વધી રહ્યા છે, જેના લીધે ઓટો ડ્રાઇવરોની કમાણી પર મોટી અસર પડી છે. મોંઘવારીની આ માર વચ્ચે રાહુલ ગાંધીએ ઓટો ડ્રાઇવરોની તકલીફોને સમજવા માટે આ ખાસ બેઠક કરી હતી. આ મુલાકાતની તસવીરો અને વીડિયો પણ સામે આવ્યા છે. લોકસભાના વિપક્ષ નેતા રાહુલ ગાંધીએ દિલ્હીના મંડી હાઉસ પાસે આવેલા તોડરમલ પાર્કમાં ઓટો ડ્રાઇવરો સાથે ખાસ મુલાકાત કરી હતી. આ દરમિયાન કોઈ પણ જાતના વીઆઇપી પ્રોટોકોલ વિના તેઓ સામાન્ય માણસની જેમ ઓટો ડ્રાઇવરોની વચ્ચે જમીન પર જ બેસી ગયા હતા અને તેમની સાથે લંચ કર્યું હતું. સોશિયલ મીડિયા પર આ મુલાકાતનો વીડિયો ખૂબ વાઇરલ થઈ રહ્યો છે, જેમાં રાહુલ ગાંધી જમીન પર બેસીને ભોજન કરવાની સાથે-સાથે ઓટો ડ્રાઇવરોની રોજિંદી સમસ્યાઓ અને મુશ્કેલીઓ વિશે વિગતવાર ચર્ચા કરતાં જાેવા મળી રહ્યા છે.
આ મુલાકાત પાછળનું મુખ્ય કારણ ઇંધણના ભાવમાં થઈ રહેલો અસહ્ય વધારો છે. ઇન્ટરનેટ અને વૈશ્વિક સ્તરે ચાલી રહેલા ઈરાન સંકટના કારણે છેલ્લા કેટલાક સમયમાં ઓટો ચલાવવાનો ખર્ચ ઘણો વધી ગયો છે. ઓટો ડ્રાઇવરોની મુખ્ય ફરિયાદ એ છે કે ઓઇલ અને ગેસના ભાવ તો ઝડપથી વધી ગયા છે, પરંતુ તેના પ્રમાણમાં ઓટોનું ભાડું વધારવામાં આવ્યું નથી. જાે તેઓ મુસાફરો પાસે વધુ ભાડું માંગે છે, તો દરરોજ માથાકૂટ અને દલીલો થાય છે. આનાથી તેમનું જીવનયાપન ખૂબ જ મુશ્કેલ બની ગયું છે.
