બે મહિલાઓ પિસ્તોલ સાથે દિલ્હીથી મુંબઈ આવી હતી ટાઇગર શ્રોફ ગોળીબાર કેસમાં વધુ ચાર આરોપીઓની ધરપકડ દિલ્હી પોલીસે ધરપકડ કરેલા નવા આરોપીઓ પર કથિત હથિયાર સપ્લાય મોડ્યુલમાં સામેલ હોવાનો આરોપ બોલીવુડ અભિનેતા ટાઇગર શ્રોફ પર મુંબઈમાં ગોળીબારની ઘટના બાદ દિલ્હી પોલીસના સ્પેશિયલ સેલના નોર્ધન રેન્જ (NDR) એ વધુ ચાર આરોપીઓની ધરપકડ કરી છે. મુંબઈ પોલીસે પહેલાથી જ રાજસ્થાનના કોટાથી ત્રણ શૂટરોની ધરપકડ કરી હતી. દિલ્હી પોલીસે ધરપકડ કરેલા નવા આરોપીઓ પર કથિત હથિયાર સપ્લાય મોડ્યુલમાં સામેલ હોવાનો આરોપ છે.ધરપકડ કરાયેલા આરોપીઓમાં હરિયાણાના સોનીપતના રહેવાસી કુણાલ (૨૧) અને સુમિત (૧૯) અને ઉત્તર પ્રદેશના રહેવાસી રાધા (૨૩) અને બબીતા (૨૩)નો સમાવેશ થાય છે. પોલીસ અધિકારીઓએ મંગળવારે આ જાહેરાત કરી.રાધા અને બબીતાની નવી દિલ્હી રેલ્વે સ્ટેશનથી ધરપકડપોલીસના જણાવ્યા અનુસાર, રાધા અને બબીતાની નવી દિલ્હી રેલ્વે સ્ટેશનથી ધરપકડ કરવામાં આવી હતી, જ્યારે કુણાલ અને સુમિતની સોનીપતથી ધરપકડ કરવામાં આવી હતી. ચારેયને કોર્ટમાં રજૂ કરવામાં આવ્યા હતા. આ પછી, મહારાષ્ટ્ર પોલીસના ક્રાઇમ ઇન્વેસ્ટિગેશન ડિપાર્ટમેન્ટ (CID) એ તેની કસ્ટડીમાં પૂછપરછ કરવા અને ઔપચારિક રીતે ધરપકડ કરવાની પરવાનગી માંગી.એક વરિષ્ઠ પોલીસ અધિકારીએ જણાવ્યું કે સોનીપતમાં ધરપકડ કરાયેલા કુણાલ તાજેતરમાં જ જેલમાંથી જામીન પર છૂટ્યો હતો. ત્યારબાદ, હરસાણા ગામમાં રહેતા તેના એક મિત્રએ તેને અનિલ પંડિત નામના વ્યક્તિ સાથે પરિચય કરાવ્યો. એવો આરોપ છે કે કુણાલ એક એન્ક્રિપ્ટેડ મેસેજિંગ એપ દ્વારા પંડિતનો સંપર્ક કરવાનું શરૂ કર્યું.પોલીસનો દાવો છે કે પંડિતના ર્નિદેશ પર કુણાલ અમૃતસરથી એક પિસ્તોલ અને ૨૦ કારતૂસ લાવ્યો હતો. તે લગભગ બે મહિના પહેલા રાધાને મળ્યો હતો. કુણાલે રાધાને તેની પ્રવૃત્તિઓ વિશે જણાવ્યું હતું અને તેની સાથે તેના સંબંધો કેળવ્યા હતા. ત્યારબાદ તેણે રાધાને હથિયારો મુંબઈ લઈ જવા માટે સમજાવ્યા હતા.તપાસમાં જાણવા મળ્યું છે કે ૧૫ ઓક્ટોબરના રોજ કુણાલ રાધા અને બબીતાને નવી દિલ્હી રેલ્વે સ્ટેશન પર લઈ ગયો હતો. તે સમયે પિસ્તોલ રાધાના બેગમાં હતી. દિલ્હીથી મુંબઈની મુસાફરી દરમિયાન કુણાલ અનિલ પંડિત પાસેથી સૂચનાઓ લઈને બે મહિલાઓના સંપર્કમાં રહ્યો હતો. બંને મહિલાઓ ૧૭ ઓક્ટોબરના રોજ મુંબઈના દાદર પહોંચી અને ત્યાં એક હોટલમાં રોકાઈ.એક પોલીસ અધિકારીના જણાવ્યા મુજબ, તે જ દિવસે સવારે ૧૧ વાગ્યે, એક સગીર છોકરાએ કથિત રીતે હોટલ નજીક રાધાની બેગ લઈ લીધી હતી. ૧૮ ઓક્ટોબરના રોજ સાંજે ૭ વાગ્યાની આસપાસ, મુંબઈમાં ટાઇગર શ્રોફની કાર પર ગોળીબાર કરવામાં આવ્યો હતો. આ ઘટના પછી પંડિતે કથિત રીતે કુણાલનો સંપર્ક કર્યાે હતો, તેમને જાણ કરી હતી કે શૂટર્સ મુંબઈમાં ફસાયેલા છે, અને તેમને ભાગી જવાની વ્યવસ્થા કરવા કહ્યું હતું. ત્યારબાદ રાધા અને બબીતા ૧૮ ઓક્ટોબરના રોજ દાદર-હરિદ્વાર એક્સપ્રેસમાં મુંબઈથી દિલ્હી જવા રવાના થયા હતા.
