વકીલની ઓફિસમાં દિલ્હી ED ની તપાસ જસદણમાં ગેમિંગ-હવાલા કનેક્શનને લઈ ED ના દરોડા શંકાસ્પદ નાણાકીય વ્યવહારોની તપાસમાં લેપટોપ, હાર્ડ ડિસ્ક સહિતની સામગ્રી કબજે કરાઈ, ફોરેન્સિક તપાસ થશે જસદણ ખાતે દિલ્હીથી આવેલી એન્ફોર્સમેન્ટ ડિરેક્ટોરેટની ટીમે એક વકીલની ઓફિસ પર દરોડા પાડ્યા હતા, જેના કારણે સમગ્ર પંથકમાં ભારે ચર્ચા જાગી હતી. તાલુકા સેવા સદનની સામે આવેલી આ ઓફિસના તાળાં ખોલીને તપાસ ટીમે પ્રવેશ કર્યાે હતો અને ઊંડાણપૂર્વક તપાસ શરૂ કરી હતી.આ કાર્યવાહી દરમિયાન ઈડીની ટીમે મહત્વપૂર્ણ દસ્તાવેજાે, લેપટોપ, હાર્ડ ડિસ્ક અને પ્રિન્ટર્સ સહિતની અનેક સામગ્રી જપ્ત કરી હતી. શંકાસ્પદ નાણાકીય અનિયમિતતાઓની ચાલી રહેલી તપાસના ભાગરૂપે આ જપ્ત કરાયેલા સામાનની ફોરેન્સિક અને વિગતવાર તપાસ કરવામાં આવે તેવી શક્યતા છે.સૂત્રોના જણાવ્યા અનુસાર, ગેમિંગ અને હવાલા પ્રવૃત્તિઓ સાથે સંકળાયેલા શંકાસ્પદ નાણાકીય વ્યવહારોના તાર શોધવા માટે દિલ્હી ઈડીની ટીમે આ વકીલની ઓફિસને નિશાન બનાવી હતી. તપાસકર્તાઓ કથિત વ્યવહારો સાથેના જાેડાણો સાબિત થઈ શકે એવા નાણાકીય વ્યવહારોના પુરાવા અને રેકોર્ડ્સ શોધી રહ્યા હોવાનું માનવામાં આવે છે.આ દરોડાને પગલે જસદણ તેમજ સમગ્ર રાજકોટ જિલ્લામાં ભારે ચર્ચા ચાલી રહી છે, અને આ કાર્યવાહી પાછળ કોઈ મોટા નાણાકીય નેટવર્કની સંડોવણી હોવાની શક્યતા પણ વ્યક્ત કરવામાં આવી રહી છે. જાેકે, શંકાસ્પદ વ્યવહારોની ચોક્કસ વિગતો અને આ કથિત નેટવર્ક કેટલું મોટું છે તે અંગેનું ચિત્ર હજુ સ્પષ્ટ થયું નથી.ઈડી દ્વારા આ દરોડા અથવા કાર્યવાહી દરમિયાન જપ્ત કરાયેલી સામગ્રી અંગે હજુ સુધી કોઈ સત્તાવાર નિવેદન બહાર પાડવામાં આવ્યું નથી. આ ઉપરાંત, આ તપાસ આગળ જતાં અન્ય સ્થળોએ દરોડા અથવા અન્ય વ્યક્તિઓ સામે કડક કાર્યવાહી તરફ દોરી જશે કે કેમ તે પણ હજુ સ્પષ્ટ નથી.
