બાપ-દિકરાએ ફિલ્મ બનાવવાની લાલચ આપી પૈસાનો રોલ કર્યો.અભિનેતા કુણાલ ખેમુ વિરુદ્ધ છેતરપિંડીની ફરિયાદ.કુણાલે ફિલ્મની વાર્તા સાંભળી હતી અને સ્ક્રિપ્ટ પસંદ આવ્યા બાદ તેણે ફિલ્મ કરવા માટે સંમતિ આપી હતી.એક્ટર કુણાલ ખેમુ અને તેમના પિતા રવિ ખેમુ વિરુદ્ધ મળેલી છેતરપિંડીની ફરિયાદ બાદ મુંબઈની એક અદાલતે અંબોલી પોલીસ પાસેથી જવાબ માંગ્યો છે. એક્ટર અને તેમના પિતા પર આરોપ છે કે તેમણે એક પ્રોડ્યુસર પાસેથી ફિલ્મમાં કામ કરવા માટે સાઇનિંગ અમાઉન્ટ લીધું હતું, જાેકે બાદમાં તેઓ સાથે કામ કરવાથી ફરી ગયા અને વધુ પૈસાની માંગ કરવા લાગ્યા.ફર્સ્ટ ક્લાસ જ્યુડિશિયલ મેજિસ્ટ્રેટ સુજીત કુમાર સી. તાયડેએ ૨૯ ડિસેમ્બરે ફરિયાદ મળ્યા બાદ સંબંધિત પોલીસ અધિકારીઓ પાસેથી ઇન્ડિયન સિવિલ ડિફેન્સ કોડની કલમ ૧૭૫ (૩) હેઠળ જવાબ માંગ્યો છે. આદેશમાં તેમણે કહ્યું કે અંબોલી પોલીસ સ્ટેશનના પ્રભારીએ આ મામલે જવાબ આપવો પડશે.ખરેખરમાં ૨૦૨૪માં ફિલ્મ પ્રોડ્યુસર રવિ દુર્ગાપ્રસાદ અગ્રવાલે એડવોકેટ વેદિકા ચૌબે મારફતે એક્ટર કુણાલ ખેમુ અને તેમના પિતા રવિ ખેમુ વિરુદ્ધ ફરિયાદ નોંધાવી હતી. પ્રોડ્યુસર રવિ દુર્ગાપ્રસાદ ઓવરટેક નામની એક હિન્દી ફિલ્મ બનાવી રહ્યા હતા, જેમાં લીડ રોલ ભજવવા માટે તેમણે કુણાલ ખેમુનો સંપર્ક કર્યાે હતો.
કુણાલે ફિલ્મની વાર્તા સાંભળી હતી અને સ્ક્રિપ્ટ પસંદ આવ્યા બાદ તેણે ફિલ્મ કરવા માટે સંમતિ આપી હતી. વાતચીત બાદ પ્રોડ્યુસરે સાઇનિંગ અમાઉન્ટ તરીકે કુણાલ ખેમુને ૨૧ લાખ રૂપિયા આપ્યા હતા. આ પછી કુણાલ અને તેના પિતાએ ફિલ્મ શરૂ કરવાને બદલે વધુ પૈસા માંગવાનું શરૂ કર્યું, જેના કારણે ફિલ્મ આગળ વધી શકી નહીં અને પ્રોડ્યુસરને ભારે નુકસાન થયું.૨૦૨૪માં નોંધાવેલી ફરિયાદ પહેલાં, પ્રોડ્યુસરે વર્ષ ૨૦૧૪માં પણ કુણાલ અને તેમના પિતા વિરુદ્ધ કોર્ટમાં અરજી દાખલ કરી હતી, જાેકે ૨૦૧૭માં આ કેસ રદ કરવામાં આવ્યો હતો. તેમણે ૨૦૨૪માં નવી ફરિયાદ નોંધાવી, જેમાં પૈસા પરત કરવાની માંગ કરી. જ્યારે આ સમાધાન થઈ શક્યું નહીં, ત્યારે તેણે એક્ટર અને તેમના પિતા વિરુદ્ધ કાનૂની કાર્યવાહી શરૂ કરવાનો ર્નિણય કર્યાે.
