એક્સન સાથે જોવા મળશે હૃતિક-દીપિકાનો રોમાન્સ, ‘ફાઈટર’નું પાવરફૂલ ટ્રેલર રિલીઝ

ટ્રેલરે ટોન સેટ કર્યો
તોફાની એક્શનની સાથે રિતિક અને દીપિકા વચ્ચેનો રોમાંસ પણ ટ્રેલરમાં ઉમેરાયો છે. તે જ સમયે, ઘણા ખતરનાક ડાયલોગ્સ તમને ફિલ્મનું એડવાન્સ બુકિંગ કરવા માટે મજબૂર કરશે. ગઈકાલે 14 જાન્યુઆરીએ, રિતિક રોશને તેના ટ્વિટર હેન્ડલ પર એક પોસ્ટ શેર કરી હતી. આ પોસ્ટમાં અભિનેતાએ ફાઈટરના ટ્રેલર વિશે માહિતી આપી હતી. એક નાનકડી ટીઝર ક્લિપ શેર કરીને તેણે કહ્યું હતું કે ટ્રેલર આજે 15 જાન્યુઆરીએ બપોરે 12 વાગ્યે લોન્ચ કરવામાં આવશે. આ ફિલ્મમાં દીપિકા અને રિતિકની જોડી જોવા માટે ચાહકો ખૂબ જ ઉત્સાહિત છે. ટ્રેલરમાં દીપિકા અને રિતિકની કેમેસ્ટ્રી પણ તમારું ખૂબ મનોરંજન કરશે. તે જ સમયે, એવરગ્રીન સ્ટાર અનિલ કપૂરની વિસ્ફોટક અભિનયએ ટ્રેલરમાં પ્રાણ પૂર્યા છે.

શમશેર પઠાનિયા ઋત્વિક રોશન બન્યા
દિગ્દર્શક સિદ્ધાર્થ આનંદે તેની દિશામાં કોઈ કસર છોડી નથી. ટ્રેલરમાં દેખાતા વિઝ્યુઅલ જોઈને તમને ખ્યાલ આવી જશે કે મેકર્સે ફિલ્મને નેક્સ્ટ લેવલ પર લઈ જવાનો શ્રેષ્ઠ પ્રયાસ કર્યો છે. પાત્ર વિશે વાત કરીએ તો, ફાઈટરમાં રિતિક રોશન સ્ક્વોડ્રન લીડર શમશેર પઠાનિયા ઉર્ફે પેટીના રોલમાં જોવા મળે છે. જ્યારે લીડ એક્ટ્રેસની ભૂમિકા ભજવી રહેલી દીપિકા પાદુકોણ સ્ક્વોડ્રન લીડર મીનલ રાઠોડ ઉર્ફે મીનીની ભૂમિકા ભજવી રહી છે. આ બે સુપરસ્ટાર ઉપરાંત અનિલ કપૂર પણ ફિલ્મમાં મહત્વની ભૂમિકામાં છે, જે ગ્રુપ કેપ્ટન રાકેશ જય સિંહ ઉર્ફે રોકીના રોલમાં જોવા મળશે. આ સિવાય કરણ સિંહ ગ્રોવર, સંજીદા શેખ અને અક્ષય ઓબેરોય જેવા કલાકારો પણ મહત્વના રોલમાં છે.