અલી ફઝલ સાથે શૂટિંગ કરી રહેલા સચિવજી નવા અંદાજમાં દેખાશ.મિર્ઝાપુર ફિલ્મમાં વિક્રાંત મેસ્સીનું સ્થાન જિતેન્દ્ર કુમાર લેશે.ફિલ્મના શૂટિંગ દરમિયાનના કેટલાંક ફોટો અને વીડિયો હાલ સોશિયલ મીડિયા પર વાયરલ થઈ રહ્યા છે.એક્ટર અલી ફઝલ હાલ જેની ઘણી રાહ જાેવાઈ રહી છે એવી ફિલ્મ ‘મિર્ઝાપુર’નું શૂટિંગ કરી રહ્યો છે, જેમાં કે ફરી એક વખત ગુડ્ડુ પંડિતના રોલમાં જાેવા મળશે. આ ફિલ્મના શૂટિંગ દરમિયાનના કેટલાંક ફોટો અને વીડિયો હાલ સોશિયલ મીડિયા પર વાયરલ થઈ રહ્યા છે. જેમાં અલી ફઝલ સાથે જિતેન્દ્ર કુમારને જાેઈ શકાય છે.
તેને જાેઈને ઘણા ફૅન્સ ખુશ થઈ ગયા છે. તો તે વિક્રાંત મેસ્સીને રિપ્લેસ કરી રહ્યો હોવાની પણ ચર્ચા છે. આ ફિલ્મમાં જિતેન્દ્ર બબલુ પંડિતનો રોલ કરવાનો હોવાની ચર્ચા છે. એક વાયરલ વીડિયોમાં ગુડ્ડુ પંડિત મરુન ટીશર્ટમાં બોડી બનાવીને મસ્તી કરી રહ્યો છે તેની સાથે જિતેન્દ્ર પણ ટીશર્ટ પહેરેલો દેખાય છે, તે ગુડ્ડુ પંડિત સાથે વાત કરી રહ્યો છે. આ સિવાયના એક વીડિયોમાં શ્વેતા ત્રિપાઠી પણ દેખાય છે, જે એક રિક્ષામાં બેસી રહી છે. પંચાયતના સચિવજીને બબલુ પંડિત તરીકે જાેઈને તે વિક્રાંતને રિપ્લેસ કરવાનો હોવાની ચર્ચાઓ શરૂ થઈ છે, સિરીઝમાં તો બબલુ પંડિતની હત્યા થઈ ગઈ છે, પરંતુ ફિલ્મમાં તેનો રોલ કેવો હશે, તે અંગે પણ ઘણી અટકળો અને ચર્ચાે થઈ રહી છે. તો કેટલાંક લોકો પંચાયતના ગભરુ અને શાંત સચિવજીને લોહિયાળ વાર્તા ધરાવતા મિર્ઝાપુરમાં બબલુ પંડિત કઈ રીતે બનશે તે જાેવા માટે ઉત્સુક છે. ઘણા લોકોએ આ બાબતે સોશિયલ મીડિયા પર કમેન્ટ્સ કરી હતી. કોઈએ કહ્યું કે, “સચિવજીથી કેટ ક્લીયર ન થઈ તો ગુંડાગર્દી પર આવી ગયા.
હવે ફુલેરામાં પણ તાંડવ થશે.”ગયા વર્ષે આ હિટ વેબ સિરીઝના મેકર્સ દ્વારા મિર્ઝાપુર ફિલ્મની જાહેરાત કરવામાં આવી હતી. જેમાં પંકજ ત્રિપાઠી, અલી ફઝલ અને દિવ્યેંદુ શર્મા તેમના પાત્રો કાલીન ભૈયા, ગુડ્ડુ પંડિત અને મુન્ના ભૈયાના રોલમાં જાેવા મળશે. અભિષેક બેનર્જી પણ કમ્પાઉન્ડરના રોલમાં અને શ્વેતા ત્રિપાઠી ગોલુના રોલમાં ફરી જાેવા મળશે. આ મૂળ સિરીઝની ત્રણ સીઝન પહેલાં આવી ચુકી છે.
