હવે ૨૩ ઑક્ટોબરે ફિલ્મ રિલીઝ થશે આયુષ્માન ખુરાનાની ફિલ્મ ‘ઉડતા તીર’ની રિલીઝ ટળી ‘ઉડતા તીર’માં આયુષ્માન ખુરાના સાથે સારા અલી ખાન, ગુલશન ગ્રોવર, મુકુલ દેવ અને રામ કપૂર પણ મહત્વની ભૂમિકામાં છે
આયુષ્માન ખુરાનાની ફિલ્મ ‘ઉડતા તીર’ની રિલીઝ તારીખમાં ફેરફાર કરવામાં આવ્યો છે. ફિલ્મ અગાઉ ૯ ઑક્ટોબરે સિનેમાઘરોમાં આવવાની હતી, પરંતુ હવે તે ૨૩ ઑક્ટોબરે રિલીઝ થશે. ટ્રેડ એનાલિસ્ટ તરણ આદર્શે સોશિયલ મીડિયા પર આ માહિતી શેર કરી છે. અહેવાલ મુજબ નિર્માતાઓએ ફિલ્મની રિલીઝ માટે વધુ અનુકૂળ સમયગાળો મેળવવા આ ર્નિણય લીધો છે. ૯ ઑક્ટોબરના સમયગાળામાં અન્ય ફિલ્મોની સંખ્યાને ધ્યાનમાં રાખીને ‘ઉડતા તીર’ને વધુ ખુલ્લી થિયેટર વિન્ડો મળે અને તેને દર્શકો સુધી પહોંચવા માટે પૂરતો અવકાશ મળે તે હેતુથી રિલીઝ બે અઠવાડિયા પાછળ ધકેલવામાં આવી છે. હવે ફિલ્મ ૨૩ ઑક્ટોબરના વીકએન્ડને ધ્યાનમાં રાખીને સિનેમાઘરોમાં રિલીઝ કરવામાં આવશે. ‘ઉડતા તીર’માં આયુષ્માન ખુરાના સાથે સારા અલી ખાન, ગુલશન ગ્રોવર, મુકુલ દેવ અને રામ કપૂર પણ મહત્વની ભૂમિકામાં છે. ફિલ્મના નામ અને અત્યાર સુધી સામે આવેલા પ્રમોશનલ મટિરિયલને કારણે ફિલ્મ અંગે ઉત્સુકતા જાેવા મળી છે. ફિલ્મમાં આયુષ્માન ફરી એક અલગ પ્રકારના પાત્રમાં જાેવા મળશે. હવે ૨૩ ઑક્ટોબરની રિલીઝને ધ્યાનમાં રાખીને ફિલ્મનું આગામી પ્રમોશનલ કેમ્પેઇન આગળ વધશે.
