તેમણે સ્પષ્ટ કર્યું કે તેઓ વનીઝાને ક્યારેય મળ્યા નથી ચોથા લગ્ન કરવા તૈયાર પાકિસ્તાનનો ભૂતપૂર્વ ક્રિકેટર શોએબ મલિક પાકિસ્તાનના પૂર્વ ક્રિકેટર શોએબ મલિક ચોથી વાર લગ્ન કરવા જઈ રહ્યા હોવાની અફવાઓને તેમણે રદિયો આપ્યો પાકિસ્તાનના પૂર્વ ક્રિકેટર શોએબ મલિક પોતાની રમતની સાથે-સાથે અંગત જીવનને લઈને પણ હંમેશાં ચર્ચામાં રહે છે. હાલમાં સોશિયલ મીડિયા પર વાયરલ થઈ રહેલા અહેવાલો મુજબ, ૪૪ વર્ષીય શોએબ મલિક પાકિસ્તાની મોડેલ અને અભિનેત્રી વનીઝા સત્તાર સાથે ૨ ઓક્ટોબર એટલે કે આજ રોજ ચોથી વાર લગ્ન કરવા જઈ રહ્યા હોવાનો દાવો કરવામાં આવી રહ્યો છે. આ સમાચારે ઈન્ટરનેટ પર ભારે ચર્ચા જગાવી છે.
અગાઉ ફેબ્રુઆરી ૨૦૨૬માં પણ સોશિયલ મીડિયા પર એવા દાવા કરવામાં આવ્યા હતા કે શોએબ મલિક અને કરાચીની જાણીતી મોડેલ-એક્ટ્રેસ વનીઝા સત્તારે ૨૭ ફેબ્રુઆરીએ ગુપ્ત રીતે નિકાહ કરી લીધા છે અને તેમના લગ્નની તસવીરો પણ વાયરલ થઈ હતી. હવે ફરી એકવાર કેટલાક મીડિયા રિપોર્ટ્સમાં એવો દાવો કરાયો છે કે બંને ૨ ઓક્ટોબરના રોજ લગ્નના બંધનમાં બંધાવા જઈ રહ્યા છે. જાેકે, આ અહેવાલો અંગે શોએબ મલિક કે વનીઝા સત્તાર તરફથી કોઈ તાજું સત્તાવાર નિવેદન સામે આવ્યું નથી.
શોએબ મલિકનો કડક પક્ષ: શોએબે ૨૮ ફેબ્રુઆરી ૨૦૨૬ના રોજ એક સત્તાવાર નિવેદન જારી કરીને કહ્યું હતું કે આ સમાચારો તદ્દન “ખોટા અને ઉપજાવી કાઢેલા” છે.
તેમણે ખોટી અફવા ફેલાવનારાઓ સામે કાનૂની કાર્યવાહી કરવાની ચેતવણી આપી હતી. શોએબે સ્પષ્ટ કર્યું હતું કે તેઓ વનીઝા સત્તારને ક્યારેય મળ્યા પણ નથી અને તેમની વચ્ચે કોઈ વાતચીત પણ થઈ નથી.
માત્ર બે જ લગ્ન થયાની સ્પષ્ટતા: શોએબ મલિકે એ પણ સ્પષ્ટ કર્યું હતું કે તેમના જીવનમાં માત્ર બે જ લગ્ન થયા છે—પ્રથમ પત્ની ભારતીય ટેનિસ સ્ટાર સાનિયા મિર્ઝા અને બીજી પત્ની પાકિસ્તાની અભિનેત્રી સના જાવેદ, જેની સાથે તેમણે ૨૦૨૪માં લગ્ન કર્યા હતા.
વનીઝા સત્તારનું નિવેદન: એક ટીવી શો દરમિયાન વનીઝાએ પણ આ સમાચારોને નકારી કાઢતા કહ્યું હતું કે: “મેં રિયલ લાઇફમાં શોએબ મલિકને ક્યારેય જાેયા પણ નથી. મને સમજાતું નથી કે આ અફવાઓ ક્યાંથી ફેલાઈ રહી છે.”
