ભોજનના ભાવ વધશે ગેસ સિલિન્ડરની તંગીથી ઉજ્જૈનમાં ભોજનાલય-રેસ્ટોરન્ટ માલિકો ટેન્શનમાં ઈરાન અને ઈઝરાયેલની વચ્ચે થઈ રહેલા યુદ્ધની અસર હવે મહાકાલેશ્વરની નગરીમાં પણ દેખાવા લાગી છે વિશ્વ પ્રસિદ્ધ બાબા મહાકાલની નગરી જેને ધાર્મિક નગરીના નામથી પણ ઓળખવામાં આવે છે. રોજ અહીં લાખોની સંખ્યામાં શ્રદ્ધાળુઓ આવે છે. જાે કે હાલમાં ઈરાન અને ઈઝરાયેલની વચ્ચે યુદ્ધના તણાવની અસર ઉજ્જૈનમાં પણ જાેવા મળી રહી છે. ઉજ્જૈનમાં કોમર્શિયલ ગેસ સિલિન્ડરની સપ્લાય પ્રભાવિત થઈ ગઈ છે. તેની સીધી અસર મહાકાલ મંદિર વિસ્તારમાં આવેલી ૩૫૦થી વધારે રેસ્ટોરન્ટ અને ભોજનાલય પર પડી છે. આ જગ્યા પર માત્ર બે દિવસનો ગેસ બચ્યો છે. આવી સ્થિતિમાં કેટલાક હોટલ માલિકો ભોજન બનાવવા માટે કોલસા અને લાકડાની મદદ લઈ રહ્યા છે. જેથી શ્રદ્ધાળુઓને ભોજન આપવામાં તકલીફ ન થાય. સાથે જ અમુક રેસ્ટોરન્ટ સંચાલકોએ ખાવાના ભાવ પણ વધારવાનો ર્નિણય લીધો છે, જેનાથી મહાકાલના શ્રદ્ધાળુઓના ખિસ્સા પર મોટો ભાર આવશે.
હકીકતમાં જાેઈએ તો, મહાકાલ મંદિર વિસ્તારમાં હાલમાં કોમર્શિયલ ગેસ સિલિન્ડરની સપ્લાય ઓછી થવાથી રેસ્ટોરન્ટ અને ભોજનાલય સંચાલકોની ચિંતા વધી ગઈ છે. કહેવાય છે કે, છેલ્લા બે દિવસમાં ગેસની સપ્લાય ૫૦ ટકા ઘટી ગઈ છે. કેટલીક રેસ્ટોરન્ટ પાસે હવે માત્ર બે દિવસનો સ્ટોક બચ્યો છે. જાે ઝડપથી સપ્લાય સામાન્ય નહીં થાય તો મંદિરે આવતા શ્રદ્ધાળુઓને ભોજન વ્યવસ્થામાં તકલીફનો સામનો કરવો પડશે. મહાકાલ મંદિરમાં રોજ લગભગ એક લાખ શ્રદ્ધાળુઓ દર્શન કરવા આવે છે, જેમાં મોટી સંખ્યામાં આજુબાજુના રેસ્ટોરન્ટમાં ભોજન કરે છે. આવા સમયે ગેસની કમીથી સંચાલકો સામે મોટી સમસ્યા આવી પડી છે.
મહાકાલ મંદિર વિસ્તારમાં ગેસ સિલિન્ડરની તકલીફ હવે ભોજનાલય પર દેખાવા લાગી છે. સ્વરુચિ ભોજનાલયના સંચાલક ચંદ્રશેખર કાલેએ જણાવ્યું કે, તેમના ત્યાં દર બીજા દિવસે કોમર્શિયલ સિલિન્ડરની જરૂર પડે છે. બુધવારે એક સિલિન્ડરની માંગ કરી હતી, પણ બપોર સુધી સપ્લાય થઈ નહીં. આવા સમયે મજબૂરીમાં માત્ર બે સિલિન્ડર પર ભોજન બનાવવું પડ્યું. જેનાથી ભોજન બનાવવામાં લગભગ દોઢ કલાક મોડું થયું. તેમણે જણાવ્યું કે પહેલા લગભગ રોજ ચાર સિલિન્ડર લાગતા હતા, પણ હવે ત્રણથી કામ ચલાવવું પડે છે. કેમ કે, માંગની તુલનામાં લગભગ ૫૦ ટકા સપ્લાય જ મળે છે.
ઉજ્જૈન બસ સ્ટેન્ડ સામે ચાલતા જૈન દાળ ભોજનાલયના સંચાલકના જણાવ્યા અનુસાર, દર અઠવાડિયે અહીં લગભગ ત્રણ ગેસ સિલિન્ડરનો વપરાશ થાય છે. હાલમાં ત્રણ સિલિન્ડર છે, પણ નવા બુકિંગ માટે ગેસ એજન્સીઓવાળા ફોન પણ ઉઠાવતા નથી. જાે ઝડપથી સપ્લાય શરૂ ન થઈ તો ભોજનાલયને કોલસા અને લાકડાના ચૂલાની મદદ લેવી પડશે. સાથે જ મહાકાલ વિસ્તારમાં અન્નપૂર્ણા રેસ્ટોરન્ટના સંચાલક રવિએ જણાવ્યું કે જાે ગેસ સિલિન્ડર મળવામાં તકલીફ આવે છે અને લાકડા અને કોલસા પણ મળ્યા નહીં તો રેસ્ટોરન્ટમાં ભોજનના ભાવ વધારવા પડશે.
