સોનમ વાંગચુકની સરકારને ચેતવણી જાે વિરોધ દબાવ્યો તો નેપાળ-બાંગ્લાદેશ જેવી હાલત થશે લદ્દાખના સામાજિક કાર્યકર સોનમ વાંગચુકે સરકારોને શાંતિપૂર્ણ વિરોધ પ્રદર્શનોને લઈને ચેતવણી આપી છે લદ્દાખના સામાજિક કાર્યકર સોનમ વાંગચુકે સરકારોને શાંતિપૂર્ણ વિરોધ પ્રદર્શનોને લઈને ચેતવણી આપી છે. મુંબઈમાં યોજાયેલા IPF ફેસ્ટિવલમાં બોલતાં તેમણે કહ્યું કે, જાે સરકારો લોકોના શાંતિપૂર્ણ પ્રદર્શનોને દબાવવાનો પ્રયાસ કરશે અને તેમને પોતાની વાત રજૂ કરવાની તક નહીં આપે, તો નેપાળ, શ્રીલંકા અને બાંગ્લાદેશ જેવી સ્થિતિ સર્જાઈ શકે છે.
સોનમ વાંગચુકે જણાવ્યું હતું કે, શાંતિપૂર્ણ પ્રદર્શનો સરકારને પોતાની નીતિઓ અને ર્નિણયો પર પુનર્વિચાર કરવાની તક આપે છે. જ્યારે લોકો પોતાની ફરિયાદો ખુલ્લેઆમ રજૂ કરે છે, ત્યારે સરકારને સમજાય છે કે કયા મુદ્દાઓ પર સુધારાની જરૂર છે. તેથી પ્રદર્શનકારીઓના અવાજને દબાવવાને બદલે તેમની વાત સાંભળવી જાેઈએ.
ઇન્ડિયા ટુડેના અહેવાલ અનુસાર, વાંગચુકે બ્રિટન, નોર્વે અને સ્વીડન જેવા દેશોનાં ઉદાહરણ આપતાં કહ્યું હતું કે ત્યાં સંસદની નજીક પણ લોકોને પોતાની વાત રજૂ કરવાની તક મળે છે. ભારતમાં સંસદથી દૂર આવેલા જંતર-મંતરનો ઉલ્લેખ કરીને તેમણે સવાલ કર્યો હતો કે લોકોને સત્તાના કેન્દ્રની નજીક પોતાની વાત રજૂ કરવાની તક કેમ ન મળવી જાેઈએ. તેમણે ચેતવણી આપી હતી કે, શાંતિપૂર્ણ વિરોધના અવાજને દબાવવાનાં પરિણામો નેપાળ, શ્રીલંકા અને બાંગ્લાદેશ જેવા દેશોમાં જાેવા મળ્યાં છે. જાેકે, આ દેશોની પરિસ્થિતિઓ અને રાજકીય ઘટનાઓ અલગ-અલગ રહી છે.
વાંગચુકે શાંતિપૂર્ણ પ્રદર્શનને બંધારણીય અધિકાર ગણાવ્યો હતો. તેમના મતે, મંજૂરી અથવા જાણ કરવાની પ્રક્રિયાનો હેતુ વહીવટીતંત્રને શહેરમાં યોજાનારા કાર્યક્રમોની માહિતી આપવાનો હોવો જાેઈએ, ન કે લોકોના અવાજને અટકાવવાનો. પ્રદર્શનકારીઓની ધરપકડ અંગે પણ તેમણે સવાલો ઉઠાવ્યા હતા. તેમણે કહ્યું હતું કે સંદેશ આપનાર વ્યક્તિને નિશાન બનાવવાને બદલે તેના સંદેશને સાંભળવો જાેઈએ.
સોનમ વાંગચુકે પ્રદર્શનકારીઓને નિયંત્રિત કરવા માટે અર્ધલશ્કરી દળોની તૈનાતી અંગે પણ ટીકા કરી હતી. તેમના મતે, આ દળોનો ઉપયોગ આંતરિક વિરોધ પ્રદર્શનોને સંભાળવા માટે કરવાને બદલે દેશની સરહદોની સુરક્ષા માટે કરવું જાેઈએ. તેમણે દાવો કર્યો હતો કે, શિયાળામાં સુરક્ષાદળોની તૈનાતીમાં ફેરફાર થાય ત્યારે ચીન લદ્દાખને અડીને આવેલા વિસ્તારોમાં ધીમે-ધીમે આગળ વધે છે. તેમના જણાવ્યા અનુસાર, સુરક્ષાદળો પાછાં ફરે ત્યાં સુધીમાં જમીન પરની સ્થિતિ બદલાઈ શકે છે અને ત્યારબાદ અગાઉની સ્થિતિ પુન:સ્થાપિત કરવી મુશ્કેલ બની શકે છે.
