એટોમિક એનર્જી કમિશનના ભૂતપૂર્વ વડા અને ભારતના પરમાણુ કાર્યક્રમમાં મહત્વપૂર્ણ યોગદાન આપનાર ડૉ. આર. ચિદમ્બરમનું શનિવારે સવારે મુંબઈની એક હોસ્પિટલમાં અવસાન થયું. તેઓ 88 વર્ષના હતા અને છેલ્લા કેટલાક સમયથી બીમાર હતા.
ચિદમ્બરમ એવા કેટલાક વૈજ્ઞાનિકોમાંના એક હતા જેમણે 1974 અને 1998માં ભારતના બંને પરમાણુ પરીક્ષણોમાં મુખ્ય ભૂમિકા ભજવી હતી. અહેવાલો અનુસાર, તેઓ યુએસ સાથેના નાગરિક પરમાણુ કરારને અંતિમ સ્વરૂપ આપવામાં પણ નજીકથી સંકળાયેલા હતા, જેણે આંતરરાષ્ટ્રીય પરમાણુ સમુદાયમાં ભારતની અલગતાનો અંત લાવ્યો હતો.
પદ્મશ્રીથી સન્માનિત
ચેન્નાઈમાં જન્મેલા ચિદમ્બરમ 1962માં ભારતીય વિજ્ઞાન સંસ્થાન, બેંગ્લોરમાંથી પીએચડી કર્યા બાદ ભાભા એટોમિક રિસર્ચ સેન્ટર (BARC)માં જોડાયા હતા. તેમણે 1974ના પરીક્ષણોની ડિઝાઇન અને અમલીકરણમાં અગ્રણી ભૂમિકા ભજવી હતી અને 1975માં તેમને પદ્મશ્રીથી નવાજવામાં આવ્યા હતા.
88 વર્ષની વયે અવસાન થયું
જાણીતા પરમાણુ વૈજ્ઞાનિક આર ચિદમ્બરમનું 88 વર્ષની વયે અવસાન નવી દિલ્હી, 4 જાન્યુઆરી (ભાષા) દેશમાં 1975 અને 1998ના પરમાણુ પરીક્ષણોમાં મહત્વની ભૂમિકા ભજવનાર વૈજ્ઞાનિક રાજગોપાલ ચિદમ્બરમનું શુક્રવારે મોડી રાત્રે અવસાન થયું હતું. તેઓ 88 વર્ષના હતા. પરમાણુ ઉર્જા વિભાગના એક અધિકારીએ જણાવ્યું કે પરમાણુ હથિયાર કાર્યક્રમ સાથે જોડાયેલા ચિદમ્બરમે મુંબઈની જસલોક હોસ્પિટલમાં સવારે 3.20 વાગ્યે અંતિમ શ્વાસ લીધા.
તેમણે એટોમિક એનર્જી કમિશનના અધ્યક્ષ અને ભારત સરકારના મુખ્ય વૈજ્ઞાનિક સલાહકાર તરીકે સેવા આપી હતી. ચિદમ્બરમને 1975માં પદ્મશ્રી અને 1999માં પદ્મ વિભૂષણથી નવાજવામાં આવ્યા હતા.
