Suv Catches Fire: કેરળના કોચીમાં અચાનક એક SUVમાં આગ લાગી હતી, ત્યારબાદ લોકોએ તેમાંથી કૂદીને પોતાનો જીવ બચાવ્યો હતો. આ ઘટના રવિવારે વહેલી સવારે અંગમાલી નજીક એક SUVમાં બની હતી. કારમાં સવાર મુસાફરોએ જ્યારે તેમાંથી ધુમાડો નીકળતો જોયો તો તેઓ તરત જ કારમાંથી બહાર નીકળી ગયા, ત્યારબાદ કારમાં જોરદાર આગ ફાટી નીકળી.
ન્યૂઝ એજન્સી અનુસાર, અંગમાલી ફાયર સ્ટેશનના એક અધિકારીએ જણાવ્યું કે આ ઘટના સવારે લગભગ 5.40 વાગ્યે બની. અધિકારીએ કહ્યું, ‘આગની માહિતી મળતાં જ અમે તાત્કાલિક સ્થળ પર પહોંચ્યા અને આગને કાબુમાં લીધી.’
તેણે જણાવ્યું કે ઘટના સમયે એસયુવીમાં સવાર લોકો હોસ્પિટલ જઈ રહ્યા હતા. અધિકારીએ કહ્યું કે ધુમાડો જોયા બાદ મુસાફરો તરત જ વાહનમાંથી બહાર નીકળીને સલામત સ્થળ તરફ ભાગ્યા, જેથી કોઈને ઈજા થઈ ન હતી.
અધિકારીએ જણાવ્યું કે એન્જિન વિસ્તારમાં શોર્ટ સર્કિટના કારણે આગ લાગી હોવાની શક્યતા છે. આ પહેલા શુક્રવારે કોઝિકોડ જિલ્લાના કોનાડ બીચ વિસ્તાર પાસે તેની કારમાં આગ લાગતા એક વ્યક્તિ બળીને ખાખ થઈ ગયો હતો.
આ ઘટનામાં કાર ચલાવી રહેલા અંદાજે 50 વર્ષના વૃદ્ધને કારમાં આગ લાગ્યા બાદ બચાવી શકાયો ન હતો કારણ કે તે કારમાંથી બહાર નીકળી શક્યો ન હતો. રિપોર્ટ અનુસાર, આગ લાગ્યા બાદ મૃતક કારમાં પોતાનો સીટ બેલ્ટ ખોલી શક્યો ન હતો.
