દિલ્હી એરપોર્ટ પર એક ચોંકાવનારી ઘટના સામે આવી ૯૪ મિનિટ ફ્લાઇટના લેન્ડિંગ ગિયરમાં છુપાયેલો રહ્યો ૧૩ વર્ષનો બાળક તે કાબુલથી વિમાનમાં ચઢ્યો હતો અને લેન્ડિંગ ગિયર પાસે છુપાયો હતો
દિલ્હી પહોંચ્યા પછી, વિમાનની તપાસ દરમિયાન બાળકનું ઠેકાણું મળી આવ્યું. બાળકની અટકાયત કરવામાં આવી અને પૂછપરછ કરવામાં આવી. રિપોર્ટ અનુસાર, કાબુલથી દિલ્હી જતી દ્ભછસ્ એરલાઇન્સની ફ્લાઇટ (ઇઊ-૪૪૦૧) ની તપાસ દરમિયાન બાળક મળી આવ્યું હતું. તે કાબુલથી વિમાનમાં ચઢ્યો હતો અને લેન્ડિંગ ગિયર પાસે છુપાયો હતો.
૨૧ સપ્ટેમ્બરના રોજ સવારે લગભગ ૧૧.૧૦ વાગ્યે, એરલાઇન સુરક્ષા કર્મચારીઓએ બાળકને વિમાનમાં ફરતો જાેયો.
જ્યારે સુરક્ષા કર્મચારીઓએ બાળકની પૂછપરછ કરી, ત્યારે તેમને ખબર પડી કે તે અફઘાનિસ્તાનના કુન્દુઝનો રહેવાસી છે અને ટિકિટ વિના વિમાનમાં લેન્ડિંગ ગિયરમાં છુપાઈને આવ્યો હતો. વિમાનની સંપૂર્ણ તપાસ દરમિયાન, એરલાઇન સુરક્ષા અને એન્જિનિયરિંગ ટીમને લેન્ડિંગ ગિયર વિસ્તારમાં એક નાનું લાલ ઓડિયો સ્પીકર પણ મળ્યું.
અફઘાનિસ્તાનની દ્ભછસ્ એરલાઇન્સનું વિમાન કાબુલના હામિદ કરઝાઈ આંતરરાષ્ટ્રીય એરપોર્ટથી સવારે ૮:૪૬ વાગ્યે ૈંજી્ પર ઉડાન ભરી અને સવારે ૧૦:૨૦ વાગ્યે દિલ્હીના ટર્મિનલ ૩ પર પહોંચ્યું. તે ૯૪ મિનિટ માટે લેન્ડિંગ ગિયરમાં છુપાઈ ગયો. સવારે ૧૧ વાગ્યાની આસપાસ, બાળક ફ્લાઇટની નજીક ભટકતો જાેવા મળ્યો અને તેને પકડી લેવામાં આવ્યો અને પછી એજન્સીઓના અધિકારીઓ દ્વારા પૂછપરછ માટે લઈ જવામાં આવ્યો.
મળતી માહિતી મુજબ બાળકે પરંપરાગત અફઘાન કપડાં પહેર્યા હતા. તે ઈરાન જવાનો પ્રયાસ કરી રહ્યો હતો પરંતુ ખોટા વિમાનમાં ચઢી ગયો, આમ તે કાબુલથી દિલ્હી ગયો. જ્યારે તેને પકડવામાં આવ્યો ત્યારે તે પ્રતિબંધિત વિસ્તારમાં ફરતો હતો. તેની ધરપકડ અને પૂછપરછ બાદ, સમગ્ર મામલો સામે આવ્યો.
