ડોનાલ્ડ ટ્રમ્પની આરોગ્ય પર શંકા, ઉપપ્રમુખ વેન્સે આપ્યો વિશ્વાસ: ‘કંઈક બન્યું તો દેશ સંભાળવા તૈયાર

૭૯ વર્ષના ટ્રમ્પે જાન્યુઆરી મહિનામાં યુએસ પ્રમુખ પદે કાર્યભાર સંભાળ્યો હતો. એક ઈન્ટરવ્યૂમાં વેન્સે કહ્યું હતું કે, મેં જાન્યુઆરી મહિનામાં પ્રથમ વખત ઓવલ ઓફિસમાં પગ મૂક્યો હતો અને તેના ભવ્ય ઈતિહાસથી અત્યંત પ્રભાવિત થયા હતા. પ્રમુખ ટ્રમ્પ અંગે વાત કરતાં વેન્સે જણાવ્યુ હતું કે, તેમનું આરોગ્ય અતિશય સારું છે. તેમનામાં અવિશ્વસનીય ઊર્જા છે. યુએસ પ્રમુખ સ્વસ્થ હોવાનો ભરપૂર વિશ્વાસ છે. તેઓ પોતાનો કાર્યકાળ પૂરો કરશે અને અમેરિકાના લોકો માટે ઘણી સારી કામગીરી કરશે.

અમેરિકાના ઈતિહાસમાં જે ડી વેન્સ ત્રીજા સૌથી ઓછી ઉંમરના ઉપપ્રમુખ છે. તેમણે ખાતરી આપેલી છે કે, પ્રમુખ ટ્રમ્પ સાથે કોઈ અજુગતી ઘટના બને તો તેઓ દેશને સાચવી લેશે. ટ્રમ્પના રિપબ્લિકન પક્ષના ૪૧ વર્ષીય વેન્સનો આ ખુલાસો એવા સમયે આવ્યો છે, જ્યારે ટ્રમ્પના આરોગ્ય અંગે તરેહ-તરેહની અટકળો ચાલી રહી છે. સાઉથ કોરિયન પ્રમુખ લી જે મિયુંગ સાથેની મુલાકાત દરમિયાન ટ્રમ્પના હાથ પર મોટાં ઊઝરડાં જાેવા મળ્યા હતા. તેમની કોણી પર સોજાે હતો અને ચાલવામાં પણ તકલીફ પડતી હતી. બોલતી વખતે ટ્રમ્પની જીભ થોથવાતી હતી અને શબ્દો ભેગા અવળ-સવળ થઈ જતા હતા.

જાહેરમાં ટ્રમ્પની આ હાલત જાેયા પછી નબળા આરોગ્ય અંગેની અટકળો વહેતી થઈ હતી. ઉલ્લેખનીય છે કે, અમેરિકાના ઈતિહાસમાં સૌથી વધુ ઉંમર ધરાવનારા પ્રમુખ તરીકે ટ્રમ્પનું નામ છે. તેમના પુરોગામી જાે બાઈડને ૨૦૨૧માં સત્તા સંભાળી હતી. તે સમયે તેમની ઉંમર ૭૮ વર્ષ અને બે મહિનાની હતી. જ્યારે ટ્રમ્પે ૭૮ વર્ષ અને સાત મહિનાની ઉંમરે પ્રમુખ પદ ધારણ કર્યું હતું.