World News : ખાલિસ્તાની સમર્થક આતંકવાદી પન્નુની હત્યાના કાવતરાને લઈએ આવ્યું મોટું અપડેટ, આરોપીને લાવવામાં આવ્યો યુએસ

નિખિલ મેનહટનની નીચલી કોર્ટમાં હાજર થશે

યુએસ ડિસ્ટ્રિક્ટ કોર્ટના પ્રવક્તાએ જણાવ્યું હતું કે ગુપ્તા સોમવારે મેનહટનની નીચલી કોર્ટમાં હાજર થવાના છે. યુએસ જસ્ટિસ ડિપાર્ટમેન્ટે આરોપ લગાવ્યો છે કે 52 વર્ષીય ગુપ્તા ભારત સરકારના સહયોગી છે અને અન્યો સાથે મળીને ન્યૂયોર્કમાં પન્નુની હત્યાનું કાવતરું ઘડવામાં મદદ કરી હતી.

નિખિલ પર અનેક આરોપો

તમને જણાવી દઈએ કે ગત વર્ષે નવેમ્બરમાં યુએસ જસ્ટિસ ડિપાર્ટમેન્ટના અધિકારીઓએ ગુપ્તાની જુન 2023માં ચેક રિપબ્લિકમાં ધરપકડ કર્યા બાદ તેમના પર અનેક આરોપો લગાવ્યા હતા. તેમણે કહ્યું કે ગુપ્તાને ન્યૂયોર્ક પ્રત્યાર્પણ કરવામાં આવશે. પન્નુ ભારત દ્વારા ઘોષિત આતંકવાદી છે અને તેની પાસે યુએસ અને કેનેડાની નાગરિકતા છે.

યુએસ જસ્ટિસ ડિપાર્ટમેન્ટે આરોપ જારી કર્યો

નવેમ્બરની શરૂઆતમાં, યુએસ ન્યાય વિભાગે ભારતીય નાગરિક વિરુદ્ધ ખાલિસ્તાન સમર્થક આતંકવાદી અને ન્યૂયોર્ક સ્થિત પન્નુની હત્યાના નિષ્ફળ કાવતરામાં કથિત સંડોવણી બદલ આરોપપત્ર જારી કર્યું હતું.

ન્યાય વિભાગે દાવો કર્યો હતો કે મેનહટનની ફેડરલ કોર્ટમાં દાખલ કરાયેલા આરોપમાં ભારત સરકારના કર્મચારીની ઓળખ થઈ નથી, તેણે હત્યાને અંજામ આપવા માટે એક હિટમેનને નિખિલ ગુપ્તાની ભરતી કરી હતી, જેને અમેરિકી સત્તાવાળાઓએ નિષ્ફળ બનાવી હતી.

ભારત સરકારના કર્મચારી સાથે ષડયંત્ર રચવાનો આરોપ

ન્યાય વિભાગે દાવો કર્યો છે કે ગુપ્તા સહિત અન્ય લોકો સાથે કામ કરતા એક ભારતીય સરકારી કર્મચારીએ ગયા વર્ષની શરૂઆતમાં પન્નુની હત્યાનું કાવતરું ઘડ્યું હતું. એવો આક્ષેપ કરવામાં આવ્યો હતો કે નિખિલ ગુપ્તા ભારત સરકારના કર્મચારીનો સહયોગી છે અને વાતચીતમાં આંતરરાષ્ટ્રીય ડ્રગ અને હથિયારોની હેરાફેરીમાં તેની સંડોવણી વર્ણવી હતી.