અમેરિકાના સાંસદોનો ડોનાલ્ડ ટ્રમ્પને પત્ર આર્ટિફિશિયલ ઈન્ટેલિજન્સ ક્ષેત્રે ભારતીયોની જરૂર, H-1B વિઝાની ફી ઘટાડો કરવા રજૂઆત આ ર્નિણયના કારણે ભારત સાથેની પાર્ટનરશિપ પર માઠી અસર થશે, સાથે સાથે અમેરિકાને આર્ટિફિશિયલ ઈન્ટેલિજન્સ ક્ષેત્રે મોટો ફટકો પડશે.
ડોનાલ્ડ ટ્રમ્પે H-1B વિઝાની ફીમાં ભારેખમ વધારો ઝીંકયો હતો. આ વધારાની સીધી અસર ભારતીયો પર પડી. ભારતથી હજારો લોકો દર વર્ષે નોકરી કરવા માટે અમેરિકા જતાં હતા તેમને મોટો ફટકો પડ્યો. આ સિવાય પણ ટ્રમ્પની નીતિઓના કારણે અમેરિકામાં રહેતા ભારતીયોની મુશ્કેલી વધી જ છે. એવામાં હવે અમેરિકામાં જ ટ્રમ્પના ર્નિણયોનો વિરોધ શરૂ થયો છે. અમેરિકાના સાંસદોએ પત્ર લખીને ટ્રમ્પને H-1B વિઝાની ફીમાં કરાયેલો વધારો પરત ખેંચવા અપીલ કરી છે. નોંધનીય છે કે ડોનાલ્ડ ટ્રમ્પે H-1B વિઝાની વધારીને ૧ લાખ ડોલર કરી નાંખી. તેના વિરોધમાં અમી બેરા, સાલુદ કાર્બાજલ, જૂલી જેન્સે ટ્રમ્પને પત્ર લખ્યો. સાંસદોનું કહેવું છે કે આ ર્નિણયના કારણે ભારત સાથેની પાર્ટનરશિપ પર માઠી અસર થશે. સાથે સાથે અમેરિકાને આર્ટિફિશિયલ ઈન્ટેલિજન્સ ક્ષેત્રે મોટો ફટકો પડશે.
સાંસદોએ કહ્યું કે આ વિઝાના કારણે જ વિજ્ઞાન, ટેકનોલોજી, એન્જિનિયરિંગ ક્ષેત્રે અમેરિકામાં સારી એવી હરીફાઈ થાય છે. જેનો લાભ છેવટે તો અમેરિકાને જ થવાનો. અમારી અપીલ છે કે આ નીતિ પર પુનર્વિચાર કરવાની જરૂર છે. એવા સમયે જ્યારે ચીન આ ક્ષેત્રે ભારે રોકાણ કરી રહ્યું છે, ત્યારે અમેરિકાએ દુનિયાની પ્રતિભાઓને પોતાના દેશમાં આકર્ષિત કરવું જાેઈએ.
