Russia: પુતિને પશ્ચિમી દેશોને આપી ચેતવણી, કહ્યું અમે ક્યારેય આ વાતનો નથી કર્યો વિરોધ

પુતિન કહે છે કે પશ્ચિમે યુક્રેનના ખાર્કિવ ક્ષેત્રમાં રશિયન સૈનિકો પર હુમલા માટે ઉશ્કેરણી કરી હતી. યુક્રેનને અડીને આવેલા રશિયન વિસ્તાર બેલગ્રેડ પર હુમલો ન કરવાની રશિયાની ચેતવણી છતાં તેની અવગણના કરવામાં આવી હતી.

રશિયાએ ચેતવણી આપી

તેમણે કહ્યું કે પશ્ચિમી દેશો દ્વારા પૂરા પાડવામાં આવતા હથિયારોથી રશિયન પ્રદેશ પર હુમલા પશ્ચિમી નિષ્ણાતોની મદદથી જ શક્ય છે. તેમણે ચેતવણી આપી હતી કે આનાથી પશ્ચિમી દેશોને ભારે નુકસાન થઈ શકે છે. તેમને ગંભીર પરિણામોનો સામનો કરવો પડી શકે છે. બીજી તરફ નાટોના સેક્રેટરી જનરલ જેન્સ સ્ટોલ્ટનબર્ગે ઈકોનોમિસ્ટને જણાવ્યું હતું કે જોડાણના સભ્ય દેશોએ યુક્રેનને રશિયાની અંદર હુમલો કરવાની મંજૂરી આપવી જોઈએ. અત્રે એ પણ જણાવી દઈએ કે બ્રિટિશ વિદેશ મંત્રી ડેવિડ કેમરોને કહ્યું હતું કે યુક્રેનને રશિયાની ધરતી પર હુમલા માટે બ્રિટન દ્વારા આપવામાં આવેલા હથિયારોનો ઉપયોગ કરવાનો અધિકાર છે.

રશિયાના રાષ્ટ્રપતિએ આ વાત કહી

પુતિને કહ્યું કે યુક્રેનમાં રાષ્ટ્રપતિની ચૂંટણીઓ થવી જોઈએ કારણ કે યુક્રેનના રાષ્ટ્રપતિ વોલોદિમિર ઝેલેન્સકીનો પાંચ વર્ષનો કાર્યકાળ સમાપ્ત થઈ ગયો છે. ઝેલેન્સકીએ તેમનો કાર્યકાળ પૂરો થયો ત્યારથી ચૂંટણીનો સામનો કર્યો નથી. રશિયન રાષ્ટ્રપતિએ કહ્યું કે યુક્રેનમાં હવે એકમાત્ર કાયદેસર સત્તા સંસદ છે અને તેના વડાને તમામ સત્તાઓ આપવી જોઈએ.

દરમિયાન, યુક્રેનના રાષ્ટ્રપતિ વોલોડીમીર ઝેલેન્સકીને તેમની EUની ત્રણ દેશોની મુલાકાત દરમિયાન બેલ્જિયમ તરફથી સૈન્ય સહાયમાં US $ 1 બિલિયનનું બીજું વચન મળ્યું છે. બેલ્જિયમે આગામી ચાર વર્ષમાં યુક્રેનને 30 F-16 ફાઈટર એરક્રાફ્ટ પહોંચાડવાની પ્રતિબદ્ધતા સાથે ભંડોળમાં પણ વધારો કર્યો છે. ઝેલેન્સકીએ કહ્યું કે આ વર્ષે અમે યુદ્ધના મેદાનમાં F-16નો ઉપયોગ કરીને અમારી સ્થિતિ મજબૂત કરીશું.