દક્ષિણ કોરિયાના કાર્યકારી રાષ્ટ્રપતિ હાન ડક-સૂએ ગુરુવારે રાજીનામું આપવાની જાહેરાત કરીને સનસનાટી મચાવી દીધી. દક્ષિણ કોરિયામાં આગામી ચૂંટણીઓ વચ્ચે તેમણે રાજીનામું આપવાની જાહેરાત કરી. એવું માનવામાં આવે છે કે તેઓ આવતા મહિને યોજાનારી રાષ્ટ્રપતિની ચૂંટણી લડી શકે છે. હાનના ચૂંટણી લડવાના અહેવાલો વચ્ચે તેમના રાજીનામાથી રાજકીય વાતાવરણ ગરમાયું છે.
તમને જણાવી દઈએ કે દક્ષિણ કોરિયાના રાષ્ટ્રપતિ યૂન સુક યેઓલ જેલમાં ગયા બાદ, હાનને કાર્યકારી રાષ્ટ્રપતિ તરીકેની જવાબદારી સોંપવામાં આવી હતી. હવે હાને એક ટેલિવિઝન નિવેદનમાં કહ્યું કે તેમણે દેશ માટે “એક મોટી જવાબદારી” નિભાવવા માટે પદ છોડવાનો નિર્ણય લીધો છે. તેમના નિવેદન પરથી સ્પષ્ટ થાય છે કે તેમણે રાષ્ટ્રપતિની ચૂંટણીમાં ભાગ લેવાનો આ નિર્ણય લીધો છે.
ચૂંટણી પ્રચાર ટૂંક સમયમાં શરૂ થઈ શકે છે
દક્ષિણ કોરિયાના મીડિયા અનુસાર, હાન શુક્રવારે સત્તાવાર રીતે તેમના રાષ્ટ્રપતિ પદના અભિયાનની શરૂઆત કરી શકે છે. હાનને અગાઉ તત્કાલીન રાષ્ટ્રપતિ યૂન સુક-યોલે દેશના વડા પ્રધાન તરીકે નિયુક્ત કર્યા હતા. પરંતુ મહાભિયોગ દ્વારા યેઓલને પદ પરથી દૂર કર્યા પછી તેમને કાર્યકારી પ્રમુખ બનાવવામાં આવ્યા. હવે, યૂન સુકના રાજીનામાને કારણે, આ પદ ખાલી પડી ગયું છે અને રાષ્ટ્રપતિ પદ માટે પેટાચૂંટણી યોજાઈ રહી છે. ગયા વર્ષે ૩ ડિસેમ્બરે યુને માર્શલ લો લાદ્યો ત્યારથી ફેલાયેલી અરાજકતા પર મુખ્ય રૂઢિચુસ્ત પીપલ્સ પાવર પાર્ટીને જાહેર ગુસ્સાનો સામનો કરવો પડી રહ્યો હોવાથી, હાનને રાષ્ટ્રપતિ પદ માટે પાર્ટીના અગ્રણી દાવેદાર તરીકે જોવામાં આવે છે.
