Pakistan-UAE Relation: પાકિસ્તાનના લોકોની હાલમાં દુનિયાભરમાં મજાક ઉડાવવામાં આવી રહી છે. હવે એક પાકિસ્તાની પત્રકારે પાકિસ્તાનીઓની ગતિવિધિઓનો પર્દાફાશ કર્યો છે. પાકિસ્તાની પત્રકારોએ પણ સરકારને ભીંસમાં લીધી છે. ઓમર ચીમા નામના પાકિસ્તાની પત્રકારે જણાવ્યું કે UAE શા માટે પાકિસ્તાનીઓને વિઝા નથી આપી રહ્યું. બીજી તરફ UAE ભારતના લોકોને તાત્કાલિક વિઝા આપી રહ્યું છે. ચીમાએ જણાવ્યું કે પાકિસ્તાનથી લોકો યુએઈ જઈને ડ્રગ્સનો વેપાર કરે છે.
ઓમર ચીમાએ એક વીડિયોમાં જણાવ્યું કે, પાકિસ્તાન અને ભારતમાંથી મોટી સંખ્યામાં લોકો કામ માટે UAE જાય છે. આ સમયગાળા દરમિયાન UAE ભારતને વધુ પ્રાધાન્ય આપી રહ્યું છે. ઉમર ચીમાએ કહ્યું કે તેની પાછળનું સૌથી મોટું કારણ બંને દેશો વચ્ચેનો વેપાર છે. ચીમાએ કહ્યું કે આજે ભારત અને UAE વચ્ચે મોટા પાયા પર વેપાર થઈ રહ્યો છે.
પાકિસ્તાનીઓમાં કુશળતાનો અભાવ છે
ઓમર ચીમાએ કહ્યું કે ‘મે UAEના કેટલાક અધિકારીઓ પાસેથી જાણવાનો પ્રયાસ કર્યો છે કે UAE પાકિસ્તાનીઓને વિઝા કેમ નથી આપી રહ્યું. આ મામલામાં સૌથી મોટી વાત સામે આવી છે કે પાકિસ્તાનીઓ પાસે કોઈ આવડત નથી. આ લોકો આવડત વગર યુએઈ આવે છે અને પછી યોગ્ય રીતે કામ કરતા નથી. બીજો મુદ્દો અંગ્રેજી ન આવડવાનો છે, પાકિસ્તાનીઓની ભાષા ઘણી નબળી છે. આ પછી અપરાધની વાત આવે છે, મોટી સંખ્યામાં પાકિસ્તાનીઓ UAEની જેલોમાં બંધ છે. આવી સ્થિતિમાં UAE હવે પાકિસ્તાનીઓને વિઝા આપવામાં ખચકાઈ રહ્યું છે.
પાકિસ્તાનીઓ ડ્રગ્સ સપ્લાય કરે છે
ચીમાએ કહ્યું કે આ સિવાય જે પણ સામે આવ્યું છે તેનાથી પાકિસ્તાનીઓ શરમથી ઝૂકી જશે. UAEના અધિકારીઓએ જણાવ્યું કે પાકિસ્તાનથી લોકો UAE આવે છે અને ડ્રગ્સ સપ્લાય કરે છે અને તેઓ ખૂબ જ ઝઘડો કરે છે. આ સિવાય લાહોરમાં રાજકીય ઉથલપાથલ થાય છે અને પાકિસ્તાનીઓ UAEમાં વિરોધ પ્રદર્શન કરવા લાગે છે. આ સિવાય UAEમાં એક મંદિર બનાવવામાં આવ્યું છે, ત્યારબાદ જ્યારે પૂર આવ્યું તો પાકિસ્તાનના લોકોએ એવી ઘણી ખોટી માન્યતા ફેલાવી કે મંદિરના નિર્માણથી અલ્લાહ નારાજ છે. આ તમામ બાબતોને કારણે UAEના લોકો પાકિસ્તાનીઓને પસંદ નથી કરતા.
UAEમાં પકડાયેલી પાકિસ્તાની ગણિકાઓ
પાકિસ્તાની પત્રકારે કહ્યું કે આનાથી પણ મોટો મામલો સામે આવ્યો છે કે પાકિસ્તાની મહિલાઓ UAE જઈને વેશ્યાવૃત્તિનો ધંધો કરે છે. મોટી સંખ્યામાં પાકિસ્તાની ગણિકાઓ UAE ગયા છે અને પકડાયા છે. આ સિવાય પાકિસ્તાનના લોકો ગંદી રીતે રહે છે. તેઓ નમાઝના નામે કામ પરથી ગાયબ થઈ જાય છે અને લાંબા સમય સુધી પાછા ફરતા નથી. આ બધા કારણોસર પાકિસ્તાનના લોકો હવે યુએઈમાંથી બહાર જઈ રહ્યા છે.
