એન્ડ્રોઇડ યુઝર્સ માટે બીજી નવી ચેતવણી જારી કરવામાં આવી છે. સુરક્ષા સંશોધકોએ ગૂગલ પ્લે સ્ટોર પર એવી ઘણી એપ્સ શોધી કાઢી છે જેમાં નેક્રો ટ્રોજન વાયરસ જોવા મળ્યો છે. આ એક ખૂબ જ ખતરનાક વાયરસ છે, જે તમારા ફોનમાંથી ડેટા ચોરીને હેકર્સ સુધી પહોંચાડે છે. રિપોર્ટ અનુસાર, આ માલવેર માત્ર ડેટા ચોરી જ નથી કરતું પરંતુ ફોનમાં ઘણી બધી માલવેર ધરાવતી એપ્સને ગુપ્ત રીતે ઇન્સ્ટોલ કરતું રહે છે.
ગૂગલ પ્લે સ્ટોર પર આવી બે એપ મળી આવી છે, જેમાં નેક્રો ટ્રોજન વાયરસ જોવા મળ્યો છે. આ એપ્સ Spotify અને WhatsApp ના સંશોધિત APK છે. કાર્યવાહી કરતા ગૂગલે આ એપ્સને તેના પ્લેટફોર્મ પરથી હટાવી દીધી છે. આ સિવાય સંશોધકોનું કહેવું છે કે માઇનક્રાફ્ટ જેવી લોકપ્રિય ગેમિંગ એપમાં ટ્રોજન વાયરસ હોવાની સંભાવના છે.
આ બે એપમાં ખતરનાક વાયરસ
નેક્રો ટ્રોજન વાયરસ 2019 માં પીડીએફ બનાવતી એપ્લિકેશન કેમસ્કેનરમાં પ્રથમ વખત જોવા મળ્યો હતો. આ એપને ગૂગલ પ્લે સ્ટોર પર 100 મિલિયનથી વધુ ડાઉનલોડ્સ થયા છે. આ પછી, એપ માટે સિક્યોરિટી પેચ બહાર પાડીને સમસ્યાને ઠીક કરવામાં આવી હતી. Kaspersky સંશોધકોએ હવે આ બે એપ્સ – Wuta કેમેરા એપ અને મેક્સ બ્રાઉઝરમાં આ ખતરનાક વાયરસ શોધી કાઢ્યો છે. ગૂગલે આ એપ્સને પ્લે સ્ટોર પરથી હટાવી દીધી છે.
સુરક્ષા સંશોધકોનું કહેવું છે કે આ બે એપ્સ સિવાય પણ એવી ઘણી લોકપ્રિય એપ્સ છે, જેના અનઓફિશિયલ મોડેડ વર્ઝન યુઝર્સ દ્વારા થર્ડ પાર્ટી વેબસાઈટ પરથી આકસ્મિક રીતે ડાઉનલોડ થઈ જાય છે. કેસ્પરકીના સંશોધકોએ આ વાયરસને Spotify, WhatsApp, Minecraft, Stumble Guys, Car Parking Multiplayer અને Melon Sandbox જેવી એપ્સના મોડેડ વર્ઝનમાં જોયો છે.
આ એપ્સને તરત જ ડિલીટ કરો
સુરક્ષા સંશોધકોનું કહેવું છે કે જો આ બંને એપ તમારા ફોનમાં ઇન્સ્ટોલ કરેલી હોય તો તરત જ ડિલીટ કરી દો. ઉપરાંત, ફોન પર કોઈપણ એપના મોડેડ વર્ઝન ઇન્સ્ટોલ કરશો નહીં. મોટાભાગના યૂઝર્સ એપ્સના પેઇડ વર્ઝનને બદલે તેમના ફોનમાં મોડિફાઇડ એપ્સ ઇન્સ્ટોલ કરે છે, જેના કારણે તેઓ વધુ મુશ્કેલીમાં આવી શકે છે. આ સિવાય સિક્યોરિટી રિસર્ચર્સે યુઝર્સને સલાહ આપી છે કે કોઈ પણ એપને માત્ર ઓફિશિયલ ગૂગલ પ્લે સ્ટોર પરથી જ ડાઉનલોડ કરો.
