સ્પોર્ટ્સ ડ્રામા ‘પરફેક્ટ’ કેન્સલ મિલી બોબી બ્રાઉનની એક્ઝિટ ડીલ પ્રોજેક્ટને ફટકો મિલી બોબી બ્રાઉન ડિસેમ્બર ૨૦૨૫ માં પ્રસારિત થયેલા તેના હિટ શો, સ્ટ્રેન્જર થિન્ગ્સની પાંચમી અને અંતિમ સીઝનમાં જાેવા મળી હતી હિટ શો સ્ટ્રેન્જર થિંગ્સમાં તેની ભૂમિકા માટે જાણીતી હોલીવુડ અભિનેત્રી મિલી બોબી બ્રાઉન, નેટફ્લિક્સની આગામી ઓલિમ્પિક સ્પોર્ટ્સ ડ્રામા પરફેક્ટ છોડી દીધી હોવાના અહેવાલ છે. તે ફિલ્મમાં ઓલિમ્પિક જિમ્નાસ્ટ કેરી સ્ટ્રગની ભૂમિકા ભજવવાની હતી, આ ઉનાળામાં આ ફિલ્મનું પ્રોડક્શન શરૂ થવાનું હતું. જાેકે, હવે એવું કહેવામાં આવી રહ્યું છે કે આ પ્રોજેક્ટ રદ કરવામાં આવશે.મિલી બોબી બ્રાઉન નેટફ્લિક્સ ડ્રામા પરફેક્ટ છોડી દીધી છે, જેમાં તે જિમ્નાસ્ટ કેરી સ્ટ્રગની ભૂમિકા ભજવવાની હતી. નિર્માતાઓ સાથે સર્જનાત્મક મતભેદોને કારણે તેણીએ પ્રોજેક્ટ છોડી દીધો હોવાના અહેવાલે મિલીના ચાહકોમાં ખાસ્સી નિરાશા જગાવી છે.
ડેડલાઇનના અહેવાલ મુજબ, નિર્માતાઓ સાથે સર્જનાત્મક મતભેદોને કારણે મિલી પ્રોજેક્ટ છોડી દીધી હતી. જાેકે, નેટફ્લિક્સ કે તેના પ્રતિનિધિઓએ તેના બહાર નીકળવા અંગે કોઈ સત્તાવાર નિવેદન જારી કર્યું નથી. આ સ્પોર્ટ્સ ડ્રામા પ્રખ્યાત જિમ્નાસ્ટ કેરી સ્ટ્રગની વાર્તા પર આધારિત છે. શરૂઆતમાં આ ફિલ્મનું દિગ્દર્શન ગિયા કોપ્પોલા દ્વારા કરવાનું નક્કી કરવામાં આવ્યું હતું, જેમાં રોની સેન્ડહલ તેના લેખક હતા. કોપ્પોલાએ પાછળથી પ્રોજેક્ટ છોડી દીધો અને તેના સ્થાને કેટ શોર્ટલેન્ડ આવ્યા.વ્યાવસાયિક મોરચે, મિલી બોબી બ્રાઉન ડિસેમ્બર ૨૦૨૫ માં પ્રસારિત થયેલા તેના હિટ શો, સ્ટ્રેન્જર થિન્ગ્સની પાંચમી અને અંતિમ સીઝનમાં જાેવા મળી હતી. તે આગામી સમયમાં એનોલા હોમ્સ ૩ માં દેખાશે, અને તે ગેબ્રિયલ લાબેલ સાથે રોમેન્ટિક કોમેડી-ડ્રામા જસ્ટ પિક્ચર ઇટનો પણ ભાગ છે. ફિલ્મનું નિર્માણ ઓક્ટોબર ૨૦૨૫ માં શરૂ થયું હતું. જસ્ટ પિક્ચર ઇટના નિર્માણ વિશે અપડેટ શેર કરતા, નેટફ્લિક્સ નોર્ડિકે લખ્યું, “તેમને જુઓ!! મિલી બોબી બ્રાઉન અને ગેબ્રિયલ લાબેલ સાથે જસ્ટ પિક્ચર ઇટ પર નિર્માણ હવે શરૂ થઈ ગયું છે!”
