‘એવી વસ્તુ જાેઈ કે વિશ્વાસ નહીં થાય’ .એલિયન્સ અંગે ડોનાલ્ડ ટ્રમ્પ ચોંકાવનારો ખુલાસો કરશે !.૭ એપ્રિલની સમીક્ષામાં કેટલાક અત્યંત રસપ્રદ દસ્તાવેજાે સામે આવ્યા છે જે વિશ્વની સામે મૂકવામાં આવશે.અમેરિકન પ્રમુખ ડોનાલ્ડ ટ્રમ્પે તાજેતરમાં એક અત્યંત રોમાંચક જાહેરાત કરતા જણાવ્યું છે કે તેઓ ટૂંક સમયમાં યુએફઓ(UFO) એટલે કે અનઆઇડેન્ટિફાઇડ ફ્લાઇંગ ઓબ્જેક્ટ્સ સાથે જાેડાયેલી એવી માહિતી જાહેર કરવા જઈ રહ્યા છે, જેના પર લોકોને વિશ્વાસ કરવો પણ મુશ્કેલ પડશે. વ્હાઇટ હાઉસમાં આર્ટિમિસ II મિશનના ક્રૂ મેમ્બર્સ સાથેની મુલાકાત દરમિયાન ટ્રમ્પે સ્પષ્ટ કર્યું હતું કે તેમનું પ્રશાસન લાંબા સમયથી વણઉકેલ્યા રહેલા આ રહસ્યો પરથી પડદો ઉઠાવવાની તૈયારીમાં છે. ટ્રમ્પના મતે, લોકોમાં યુએફઓ અને અન્ય ગ્રહોના જીવન(એલિયન્સ) પ્રત્યે ભારે જિજ્ઞાસા છે અને ટૂંક સમયમાં જ આ અંગેના મહત્ત્વના દસ્તાવેજાેનો પ્રથમ ભાગ જાહેર કરવામાં આવશે.ટ્રમ્પે તેમના અગાઉના કાર્યકલનો ઉલ્લેખ કરતા જણાવ્યું હતું કે તેમણે કેટલાક એવા પાઇલટ્સ સાથે વાત કરી હતી જેમણે આકાશમાં એવી અદભૂત વસ્તુઓ જાેઈ હોવાનો દાવો કર્યાે હતો જેના પર ભરોસો કરવો અશક્ય છે. ફેબ્રુઆરીમાં જ અમેરિકન પ્રમુખે સંબંધિત એજન્સીઓને આદેશ આપ્યો હતો કે યુએફઓ અને અનઆઇડેન્ટિફાઇડ એરિયલ ફિનોમિના સાથે જાેડાયેલી તમામ ફાઇલોની સમીક્ષા કરીને તેને સાર્વજનિક કરવામાં આવે. તેમના જણાવ્યા અનુસાર, ૧૭ એપ્રિલની સમીક્ષામાં કેટલાક અત્યંત રસપ્રદ દસ્તાવેજાે સામે આવ્યા છે જે વિશ્વની સામે મૂકવામાં આવશે.નોંધનીય છે કે આર્ટિમિસ IIએ નાસાનું પ્રથમ ક્રૂડ ટેસ્ટ ફ્લાઇટ મિશન હતું, જે ૧ એપ્રિલના રોજ ફ્લોરિડાથી લોન્ચ કરવામાં આવ્યું હતું. આ મિશનમાં ૪ અવકાશયાત્રીઓએ એસએલએસ(SLS) રોકેટ દ્વારા પૃથ્વીની ભ્રમણકક્ષા પૂર્ણ કરી ચંદ્રની પાછળના ભાગ(Far Side) સુધીની મુસાફરી કરી હતી. આ મુસાફરી દરમિયાન તેઓ પૃથ્વીથી ૪,૦૬,૭૭૧ કિલોમીટર દૂર ગયા હતા, જે એક નવો રેકોર્ડ છે. અવકાશના આ સફળ મિશન બાદ હવે ટ્રમ્પની આ નવી જાહેરાતે સમગ્ર વિશ્વમાં કુતૂહલ જગાવ્યું છે કે આખરે યુએફઓ સાથે જાેડાયેલી એવી કઈ બાબતો છે જે અત્યાર સુધી દુનિયાથી છુપાયેલી હતી.
