૪ પરવાના રદ કરવામાં આવ્યા દિવાળી પહેલા અમદાવાદમાં ફટાકડા પર તંત્રની કડક કાર્યવાહી વેચાણના મોરચે પણ નિયમો કડક બનાવવામાં આવ્યા અમદાવાદમાં દિવાળી પહેલાં ફટાકડાના ઉત્પાદન અને વેચાણને લઈને તંત્ર દ્વારા મોટી અને કડક કાર્યવાહી કરવામાં આવી છે.
શહેરમાં ફટાકડાનું ઉત્પાદન કરવા માટે હવે કોઈ માન્ય પરવાનો રહ્યો નથી, જે એક નોંધનીય બાબત છે. પ્રાપ્ત માહિતી અનુસાર, ફટાકડાના ઉત્પાદન માટે આપવામાં આવેલા કુલ છ પરવાનામાંથી ચાર લાયસન્સ રદ કરી દેવામાં આવ્યા છે, જ્યારે બાકીના બે લાયસન્સ મોકૂફ રાખવામાં આવ્યા છે. આ કાર્યવાહી બાદ અમદાવાદમાં ફટાકડાના ઉત્પાદનને લઈને તંત્રની સખ્ત નીતિ સ્પષ્ટપણે સામે આવી છે, જેનાથી ઉત્પાદકોને મોટો ઝટકો લાગ્યો છે.
વેચાણના મોરચે પણ નિયમો કડક બનાવવામાં આવ્યા છે. કુલ ૧૫૧ જેટલા ફટાકડાના કાયમી વેચાણ માટેના લાયસન્સમાંથી ૧૨૯ને જ પરવાનગી મળી છે. જ્યારે હંગામી ધોરણે ફટાકડા વેચવા માટે આવેલી ૯૬ અરજીઓમાંથી માત્ર ૧૪ અરજીઓને જ મંજૂરી આપવામાં આવી છે, જે દર્શાવે છે કે આ દિવાળીએ ફટાકડાના વેચાણ પર વધુ કડક નિયંત્રણો જાેવા મળશે. તંત્ર લાયસન્સ વગર ફટાકડા વેચનારા વેપારીઓ સામે પણ કડક કાર્યવાહી કરવા સખ્ત બન્યું છે. દિવાળીના તહેવાર પૂર્વે થયેલી આ કાર્યવાહી ફટાકડા વેપારીઓ અને ગ્રાહકો બંને માટે મહત્વપૂર્ણ છે.
