સચિન તેંડુલકર અને વિરાટ-રોહિતને પાછળ છોડ્યા બધાને પછાડી હરમનપ્રીત કૌરે લોર્ડ્સમાં રચ્યો ઇતિહાસ તેમણે પહેલી ઇનિંગમાં ૫૮ રન બનાવ્યા, જેનાથી તેઓ લોર્ડ્સ મેદાન પર ત્રણેય ફોર્મેટમાં ફિફ્ટી લગાવનારી પહેલી ભારતીય ક્રિકેટર બની લોર્ડ્સ મેદાન પર ભારત અને ઇંગ્લેન્ડની ટેસ્ટ મેચ રમાઈ રહી છે. આ આ મેદાન પર ઇતિહાસની પહેલી ટેસ્ટ મેચ છે, જેના પર ભારતીય કેપ્ટન હરમનપ્રીત કૌરે ઇતિહાસ રચી દીધો છે. તેમણે પહેલી ઇનિંગમાં ૫૮ રન બનાવ્યા, જેનાથી તેઓ લોર્ડ્સ મેદાન પર ત્રણેય ફોર્મેટમાં ફિફ્ટી લગાવનારી પહેલી ભારતીય ક્રિકેટર બની ગઈ છે.
પુરૂષ કે મહિલા ક્રિકેટમાં અત્યાર સુધી કોઈ ભારતીય લોર્ડ્સ મેદાન પર રમતા ત્રણેય ફોર્મેટમાં અર્ધશતક લગાવી શક્યું ન હતું. વિરાટ કોહલી, સચિન તેંડુલકર, મિતાલી રાજ જેવા દિગ્ગજાેને પછાડીને હરમનપ્રીતે ઇતિહાસ રચી દીધો છે.
આ પહેલા હરમનપ્રીત કૌર વનડે અને T20 માં લોર્ડ્સ મેદાન પર ફિફ્ટી લગાવી ચૂકી હતી. હવે લોર્ડ્સ મેદાન પર સૌથી પહેલા મહિલા ટેસ્ટમાં અર્ધશતક લગાવીને તેમણે ઐતિહાસિક કારનામું કરી બતાવ્યું.
પહેલી ઇનિંગમાં કેપ્ટન હરમનપ્રીત ત્યારે બેટિંગ કરવા આવી જ્યારે ભારતીય ટીમે ૧૦૧ ના સ્કોર પર ૩ વિકેટ ગુમાવી દીધી હતી. આ દરમિયાન તેણે સ્મૃતિ મંધાના સાથે મળીને ૮૯ રનની મહત્વપૂર્ણ ભાગીદારી કરી. ટીમ ઇન્ડિયાની પહેલી ૨ વિકેટ ૩૭ રન સુધી પડી ગઈ હતી, પરંતુ સ્મૃતિ મંધાના, હરમનપ્રીત કૌર અને દીપ્તિ શર્માની અર્ધશતકીય ઇનિંગ્સના જાેરે ટીમ ઇન્ડિયાએ પહેલી ઇનિંગમાં ૨૮૫ રન બનાવ્યા.
સ્મૃતિ મંધાના પોતાની આંતરરાષ્ટ્રીય કરિયરની ૧૮ંર સદી લગાવવાથી ચૂકી ગઈ, જેણે ૮૩ રન બનાવ્યા. ભારતના ૨૮૫ રનના જવાબમાં પહેલા દિવસના સ્ટમ્પ્સ સુધી ઇંગ્લેન્ડે એક વિકેટના નુકસાન પર ૨૧ રન બનાવી લીધા હતા. તમને જણાવી દઈએ કે વર્ષ ૧૯૯૫ પછી ઇંગ્લેન્ડ ક્યારેય મહિલા ટેસ્ટ ક્રિકેટમાં ભારતીય ટીમને હરાવી શક્યું નથી. આ એકમાત્ર મોકો રહ્યો હતો જ્યારે ઇંગ્લેન્ડને મહિલા ટેસ્ટમાં ટીમ ઇન્ડિયા પર જીત મળી હતી.
મેચના પહેલા દિવસે ટોસ જીતીને પહેલા બેટિંગ કરવા ઉતરેલી ભારતીય ટીમ માટે કેપ્ટન હરમનપ્રીત કૌર નંબર-૫ પર બેટિંગ કરવા મેદાનમાં ઉતરી. તેમણે પોતાની ચિરપરિચિત આક્રમક શૈલીમાં ૧૨૧ બોલમાં ૫૮ રનની ઝંઝાવતી અને શાનદાર અર્ધશતકીય ઇનિંગ રમી. પોતાની આ ઇનિંગ દરમિયાન હરમનપ્રીતે સાત શાનદાર ચોગ્ગા ફટકાર્યા. જ્યારે ભારતીય ટીમ મુશ્કેલીમાં દેખાઈ રહી હતી, ત્યારે કેપ્ટને વાઈસ-કેપ્ટન સ્મૃતિ મંધાના સાથે મળીને મોરચો સંભાળ્યો. બંને અનુભવી બેટ્સમેનોએ ચોથી વિકેટ માટે ૧૫૫ બોલમાં ૮૯ રનની કિંમતી ભાગીદારી કરી. મંધાનાએ પણ બીજા છેડેથી શાનદાર રમત બતાવતા ૧૦૮ બોલમાં ૮૩ રનની ઝડપી ઇનિંગ રમી. આ બંનેની આ ભાગીદારીના જાેરે ભારતીય ટીમે મેચના પહેલા જ દિવસે ઇંગ્લેન્ડના બોલરો પર દબાણ બનાવી દીધું.
વિશ્વ મહિલા ક્રિકેટના સર્વકાલીન મહાન ખેલાડીઓમાં સ્થાન ધરાવતા હરમનપ્રીત કૌરને આ મેચ પહેલા પોતાની કરિયરમાં ૯૦૦૦ આંતરરાષ્ટ્રીય રન પૂરા કરવા માટે માત્ર ૧૩ રનની જરૂર હતી. મેચની ૨૪ંર ઓવરના પાંચમા બોલ પર જેવા તેમણે પોતાના ૧૩ રન લીધા, લોર્ડ્સનું મેદાન તાળીઓના ગડગડાટથી ગુંજી ઉઠ્યું. હરમનપ્રીતે પોતાની આ ૫૮ રનની ઇનિંગ દરમિયાન મહિલા ક્રિકેટના ઇતિહાસમાં પોતાના ૯૦૦૦ રન પૂરા કરવાનું ગૌરવ હાસિલ કરી લીધું.
વર્ષ ૨૦૦૯ માં ૭ માર્ચના રોજ પાકિસ્તાન વિરુદ્ધ બોવાલમાં એક વનડે મેચથી પોતાની આંતરરાષ્ટ્રીય કરિયરની શરૂઆત કરનારી હરમનપ્રીત કૌર આ સિદ્ધિ મેળવનારી ભારતની ત્રીજી મહિલા ક્રિકેટર બની ગઈ છે. તેમના પહેલા ભારતના પૂર્વ મહાન કેપ્ટન મિતાલી રાજ અને વર્તમાન ઉપ-કેપ્ટન સ્મૃતિ મંધાના જ આ જાદુઈ આંકડાને પાર કરી શક્યા છે.
