વર્તમાન કાર્યકાળમાં સૌથી ઓછી ટ્રમ્પને મોટો ઝટકો, એપ્રુવલ રેટિંગ ગગડીને ૩૩%ના તળિયે અમેરિકન પ્રમુખ ડોનાલ્ડ ટ્રમ્પની લોકપ્રિયતા ઘટવાનું સૌથી મોટું કારણ ઈરાન અને અમેરિકા વચ્ચે ચાલી રહેલો તણાવ છે રોયટર્સના તાજેતરના પોલ મુજબ, અમેરિકન પ્રમુખ ડોનાલ્ડ ટ્રમ્પની લોકપ્રિયતામાં ભારે ઘટાડો નોંધાયો છે. આ સરવે મુજબ ટ્રમ્પની એપ્રુવલ રેટિંગ ઘટીને ૩૩% પર આવી ગઈ છે, જે તેમના હાલના કાર્યકાળનું સૌથી નીચલું સ્તર છે. ચાર દિવસ સુધી ચાલેલા આ સરવેમાં સામેલ લોકોમાંથી માત્ર ૩૩% લોકોએ વાઇટ હાઉસમાં ટ્રમ્પની કામગીરીને યોગ્ય ગણાવી છે, જ્યારે ૬૭% લોકોએ તેને અયોગ્ય ગણાવી છે. આ મહિનાની શરૂઆતમાં થયેલા પોલમાં તેમની રેટિંગ ૩૫% હતી, જેમાં હવે ૨%નો ઘટાડો થયો છે.અમેરિકન પ્રમુખ ડોનાલ્ડ ટ્રમ્પની લોકપ્રિયતા ઘટવાનું સૌથી મોટું કારણ ઈરાન અને અમેરિકા વચ્ચે ચાલી રહેલો તણાવ છે. જ્યારે ટ્રમ્પે ઈઝરાયલ સાથે મળીને ઈરાન પર હુમલાનો આદેશ આપ્યો, ત્યારે તેમની લોકપ્રિયતાને ભારે ઝટકો લાગ્યો હતો. અમેરિકા અને ઈરાન વચ્ચે લાંબા સમયથી ચાલી રહેલા આ વિવાદમાં હજુ સુધી કોઈ સમજૂતી થઈ શકી નથી. મોટાભાગના અમેરિકનોને એ વાતની ચિંતા સતાવી રહી છે કે આ યુદ્ધ લાંબા સમય સુધી ખેંચાઈ શકે છે, જેના કારણે ટ્રમ્પ પ્રત્યેનો લોકોનો અસંતોષ સતત વધી રહ્યો છે.બંને દેશો વચ્ચે વધી રહેલા તણાવને કારણે વિશ્વના લગભગ પાંચમા ભાગનો ઓઇલ વેપાર પ્રભાવિત થયો છે. આના પરિણામે દુનિયાભરમાં પેટ્રોલની કિંમતો વધી છે અને અમેરિકન પરિવારો પર પણ તેની સીધી આર્થિક અસર પડી છે. જાેકે હાલમાં તણાવ થોડો ઓછો થયો છે, પરંતુ સ્ટ્રેટ ઓફ હોર્મુઝમાંથી ઓઇલની અવરજવર હજુ પણ ખોરવાયેલી છે.ટ્રમ્પે ચૂંટણી સમયે મોંઘવારી ઘટાડવા અને લાંબા યુદ્ધોથી દૂર રહેવાનું વચન આપ્યું હતું. તણાવની શરૂઆતમાં તેમણે દાવો કર્યાે હતો કે થોડા અઠવાડિયામાં જ ઈરાન સાથેનો સંઘર્ષ પૂરો થઈ જશે. પરંતુ સમય જતાં આ સ્થિતિ વધુ વણસતી ગઈ. ચૂંટણી વચનો અને વર્તમાન પરિસ્થિતિ વચ્ચેના આ તફાવતને કારણે જ અમેરિકન પ્રમુખ ટ્રમ્પની લોકપ્રિયતામાં આટલો મોટો ઘટાડો જાેવા મળ્યો છે.
