૨૯ યુએસ રાજ્યોએ તેના પર માહિતી છુપાવવાનો લગાવ્યો આરોપ ‘મેટાને ઇન્સ્ટાગ્રામની બાળકો પર થતી અસરની જાણ હતી’ જાે મેટા દોષિત સાબિત થશે, તો તેને $૨૦૦ બિલિયન સુધીના નુકસાનનો સામનો કરવો પડી શકે છે એક અહેવાલ મુજબ, ૨૯ યુએસ રાજ્યોનું પ્રતિનિધિત્વ કરતા વકીલોએ મેટા પર આંતરિક સંશોધન છુપાવવાનો આરોપ લગાવ્યો છે જેમાં કથિત રીતે જાણવા મળ્યું છે કે ઇન્સ્ટાગ્રામ કિશોરો માટે વ્યસનકારક હોઈ શકે છે. કેલિફોર્નિયાના ઓકલેન્ડમાં ફેડરલ કોર્ટમાં મેટા સામે મોટી કાનૂની લડાઈ શરૂ થઈ રહી છે ત્યારે આ આરોપો સામે આવ્યા છે. આ ટ્રાયલ છ થી આઠ અઠવાડિયા સુધી ચાલવાની ધારણા છે.મુકદ્દમા મુજબ, મેટાએ ઇરાદાપૂર્વક ઇન્સ્ટાગ્રામ અને ફેસબુક પર યુવા વપરાશકર્તાઓને એપ્સ સાથે જાેડાયેલા રાખવા માટે સુવિધાઓ બનાવી હતી, તેમ છતાં તે જાણતા હતા કે આમાંની કેટલીક સુવિધાઓ તેમના માનસિક સ્વાસ્થ્યને નુકસાન પહોંચાડી શકે છે. કેલિફોર્નિયાના ડેપ્યુટી એટર્ની જનરલ મેગન ઓ’નીલે જ્યુરીને જણાવ્યું હતું કે મેટાએ જાેખમો વિશે જાણ્યા છતાં કોઈ પગલાં લીધાં નથી.“મેં જ્યુરી પસંદગી દરમિયાન તમારામાંથી ઘણા લોકો પાસેથી સાંભળ્યું હતું કે બાળકોનું સ્વાસ્થ્ય અને સુખાકારી એ દરેકની જવાબદારી છે. મેટા તેની જવાબદારી નિભાવવામાં નિષ્ફળ ગયું,” ઓ’નીલે કહ્યું. વકીલો મેટાની તપાસ દરમિયાન મેળવેલા આંતરિક દસ્તાવેજાે અને જુબાની રજૂ કરશે.તેમણે એક દસ્તાવેજનો ઉલ્લેખ કર્યાે જેમાં જણાવાયું હતું કે યુવાનો શ્રેષ્ઠ વપરાશકર્તાઓ છે. બીજા એક દસ્તાવેજમાં કથિત રીતે કહેવામાં આવ્યું હતું કે કિશોરો વ્યસની છે, ભલે તેઓ ગમે તે અનુભવે. ઇન્સ્ટાગ્રામ વ્યસનકારક છે. ઓ’નીલે કહ્યું કે તેઓ તે જાણતા હતા. વારંવાર, નફાને પ્રાથમિકતા આપવામાં આવતી હતી.ઓક્ટોબર ૨૦૨૩ માં દાખલ કરાયેલા ૨૩૩ પાનાના મુકદ્દમામાં એવો પણ આરોપ મૂકવામાં આવ્યો છે કે મેટાએ માતાપિતાની સંમતિ વિના ૧૩ વર્ષથી ઓછી ઉંમરના બાળકો પાસેથી ડેટા એકત્રિત કર્યાે હતો, જે ફેડરલ અને રાજ્ય કાયદાઓનું ઉલ્લંઘન છે. રાજ્યોનો દાવો છે કે મેટાએ હાનિકારક ગણાતી સુવિધાઓનો ઉપયોગ બંધ કરવાનો ઇનકાર કર્યાે છે અને તેના નાણાકીય નફાને મહત્તમ બનાવવાનો પ્રયાસ કર્યાે છે.રાજ્યોનું કહેવું છે કે જાે મેટા દોષિત સાબિત થાય છે, તો તેને ૨૦૦ બિલિયન સુધીના નુકસાનનો સામનો કરવો પડી શકે છે. તેઓ મેટાના ઉત્પાદનોને બાળકો માટે વધુ સુરક્ષિત બનાવવા માટે તેમાં ફેરફાર કરવાની પણ માંગ કરી રહ્યા છે.મેટાએ આરોપોને નકારી કાઢ્યા છે. તેમના વકીલ, પોલ શ્મિટે દલીલ કરી હતી કે રાજ્યો દ્વારા રજૂ કરાયેલા આંતરિક દસ્તાવેજાે અને ઇમેઇલ્સ પસંદગીયુક્ત અને સંદર્ભની બહાર રજૂ કરવામાં આવ્યા હતા.
