રેખાની લવ લાઈફ ઉતાર-ચઢાવથી ભરેલી રહી છે.બોલિવૂડની એવરગ્રીન એક્ટ્રેસ રેખાએ બીજા લગ્નને લઈને કર્યો ખુલાસો.‘દુર્લભ પ્રસાદ કી દૂસરી શાદી’ ના સ્ક્રિનિંગના વાઈરલ વીડિયોમાં રેખા અને મહિમા ચૌધરી પાપારાઝી સાથે વાત કરતા જાેવા મળ્યા.પરદેસ ફેમ મહિમા ચૌધરી અને સંજય મિશ્રા અભિનીત ફિલ્મ ‘દુર્લભ પ્રસાદ કી દૂસરી શાદી’ ૧૯ ડિસેમ્બર સિનેમાઘરોમાં રિલીઝ થઈ છે. આ પહેલા ફિલ્મનું સ્ક્રિનિંગ હોસ્ટ કરવામાં આવ્યું હતું. જેમાં પીઢ અભિનેત્રી અને બોલિવૂડની એવરગ્રીન એક્ટ્રેસ રેખા પણ પહોંચી હતી. મહિમા ચૌધરી સાથે પોઝ આપતી વખતે રેખાએ પાપારાઝીને કંઈક એવું કહ્યું કે બધા દંગ રહી ગયા.‘દુર્લભ પ્રસાદ કી દૂસરી શાદી’ ના સ્ક્રિનિંગના વાઈરલ વીડિયોમાં રેખા અને મહિમા ચૌધરી પાપારાઝી સાથે વાત કરતા જાેવા મળ્યા હતા. જેમાં રેખા સફેદ સૂટ અને પ્રિન્ટેડ દુપટ્ટામાં ખૂબ જ સુંદર લાગી રહી છે.
૭૧ વર્ષીય એક્ટ્રેસ લાલ લિપસ્ટિક અને વાળમાં સિંદૂર લગાવેલી જાેવા મળે છે, સાથે કાળા ગોગલ્સ પણ લગાવેલા છે.આ દરમિયાન ગોલ્ડન આઉટફિટમાં આવેલી મહિમા ચૌધરીએ કહ્યું કે, ‘મેં બીજી વાર લગ્ન કર્યા છે.’ જેના વિશે રેખા જવાબ આપે છે કે, ‘લગ્ન પહેલા હોય કે બીજા, લગ્ન તો મે કર્યા છે જિંદગીથી…’ આ સાંભળીને મહિમાએ પ્રતિક્રિયા આપે છે કે, ‘વાહ, આવું જ થવું જાેઈએ.’ આ પછી રેખા આગળ ઉમેરે છે કે, ‘લગ્ન પ્રેમનું બીજું નામ છે. જાે પ્રેમ હોય, તો લગ્ન હોય. જાે લગ્ન હોય, તો પ્રેમ હોય.’રેખાની લવ લાઈફ ઉતાર-ચઢાવથી ભરેલી રહી છે. આમ તો અનેક સેલિબ્રિટીઝ સાથે તેમનું નામ જાેડાયું છે. ખાસ કરીને રેખા અને અમિતાભ બચ્ચનની લવ સ્ટોરી ખૂબ ચર્ચામાં રહી હતી. જાેકે, આ કપલ અલગ થઈ ગયું હતું. રેખાએ દિલ્હી સ્થિત ઉદ્યોગપતિ મુકેશ અગ્રવાલ સાથે પણ લગ્ન કર્યા હતા. જાેકે, મુકેશે લગ્નના એક વર્ષ પૂર્ણ થાય તે પહેલાં જ આત્મહત્યા કરી લીધી હતી. ત્યારથી રેખા સિંગલ રહી છે.જાેકે, રેખા હંમેશા માંગમાં સિંદૂર લગાવીને રાખે છે. જેને લઈને દરેક એ જાણવા ઉત્સુક રહે છે કે તેમણે માંગમાં સિંદૂર કેમ લગાવ્યું છે. જ્યારે રેખાએ કહ્યું હતું કે, ‘આ મારા માટે એક સ્ટાઇલ સ્ટેટમેન્ટ છે.’ જાેકે, રેખાનું જીવન ઘણા લોકો માટે એક રહસ્યથી ઓછું નથી.
