ટ્રાન્સપોર્ટ સિસ્ટમ તરફ ઐતિહાસિક પગલું. AMTSની નવી ૨૨૫ ઇ-બસ અતિ આધુનિક સિસ્ટમ સાથે દોડશે.એએમટીએસ પોતાના ૭૬ માત્ર વર્ષમાં પ્રવેશતા શહેરના જાહેર પરિવહન ઇતિહાસમાં સૌથી મોટું અને મહત્વપૂર્ણ પરિવર્તન લાવી રહી છે.મ્યુનિસિપલ ટ્રાન્સપોર્ટ સર્વિસ (AMTS)ના ચેરમેન ધરમશીભાઇ દેસાઇએ જણાવ્યું હતું કે એએમટીએસ પોતાના ૭૬મા વર્ષમાં પ્રવેશતા શહેરના જાહેર પરિવહન ઇતિહાસમાં સૌથી મોટું અને મહત્વપૂર્ણ પરિવર્તન લાવી રહી છે.
૨૨૫ બીઆરટીએસ-સંગત ઇલેક્ટ્રિક એસી મિડી બસોની ખરીદી એ શહેરને સ્વચ્છ, આધુનિક અને ભવિષ્યલક્ષી ટ્રાન્સપોર્ટ સિસ્ટમ તરફ લઈ જતું ઐતિહાસિક પગલું છે.
આ સમગ્ર પ્રોક્યુરમેન્ટ પ્રક્રિયા દેશની સૌથી ઝડપી પ્રક્રિયાઓમાંની એક રહી છે. RFPP પ્રસિદ્ધિથી લઈને LOA સુધી માત્ર છ મહિનામાં પૂર્ણ કરવામાં આવી છે, અને આ એએમટીએસની કાર્યક્ષમતા, પારદર્શિતા અને નાગરિક કેન્દ્રિત દૃષ્ટિકોણનું પ્રતિબિંબ છે.
દેશમાં પહેલી વખત એએમટીએસે ઇ-બસો માટે સાઇબર સિક્યોરિટી અને સેફટી ઓડિટ ફરજિયાત કરી છે, જેથી બસોના ડિજિટલ સિસ્ટમ્સ, ડેટા સંચાર અને ઓપરેશન સંપૂર્ણ સુરક્ષિત રહે. ઉપરાંત, દેશના વિવિધ શહેરોમાં બનેલા બેટરી આગના બનાવોને ધ્યાનમાં રાખીને આખી બસ ફ્લીટમાં FDSS (ફાયર ડિટેક્શન અને સપ્રેશન સિસ્ટમ) ફરજિયાત કરવામાં આવી છે, જે મુસાફરોની સુરક્ષાને વધુ મજબૂત બનાવી રહ્યું છે. ગાડીનો દરવાજાે બંધ થતાં જ ગાડી આગળ ચાલશે તેવી સિસ્ટમ ગોઠવાઈ છે.
શ્રેષ્ઠ ગુણવત્તા સુનિશ્ચિત કરવા માટે એએમટીએસે સ્વતંત્ર થર્ડ-પાર્ટી ઇન્સ્પેક્શન (TPI) વ્યવસ્થા અમલમાં મૂકી છે, જેમાં પ્રોટોટાઇપ ઇન્સ્પેક્શન, બેચ-લાઇન ચકાસણી અને પ્રી-ડિસ્પેચ ચેકનો સમાવેશ થાય છે. દરેક બસને VIN-વાઇઝ ડિજિટલ ચેકલિસ્ટ અને જિયો-ટેગ ફોટા સાથે સંપૂર્ણપણે ટ્રેસેબલ અને પારદર્શક રીતે સર્ટિફાય કરવામાં આવશે.
વધુમાં ચેરમેન ધરમશીભાઇ દેસાઇએ જણાવ્યું હતું કે AC-બસની ખાસિયત હશે કે જ્યારે બસ ૨૦ સ્પિડ પર ચાલતી હશે ત્યાર પાસે જતા વાહન માટે આલાર્મ સિસ્ટમ એક્ટિવ થશે. જેથી પસાર થતા વાહનને ખ્યાલ આવશે કે બાજુમાંથી બસ ચાલી રહી છે. કારણ કે ઇ-બસમાં અવાજ હોતો નથી જેથી એક આલાર્મ સિસ્ટમ એક્ટિવ કરાઈ છે.
શહેરમાં તમામ ડિઝલ બસ નાબૂદ કરી હતી ત્યાર બાદ સીએનજી બસ હતી પણ હવે તમામ ઇ-બસ એ પણ છઝ્ર બસ રહેશે. એટલે આગામી સમયમાં તમામ બસ એસી બસ ઓન રોડ થઈ જશે.
