વાડજ વૃદ્ધને ગૂગલ પે ઠગાઈ: ૫.૫૫ લાખ રૂપિયા ફસાવી લીધા, સાયબર ક્રાઇમ તપાસમાં

તે ૧૦મી ફેબ્રુઆરીએ પોતાના ઘરે બેઠા હતા ત્યારે જ અજાણ્યા નંબર પરથી ફોન આવ્યો હતો. ફોન કરનાર વ્યક્તિએ રડતા અવાજમાં જણાવ્યું કે તેના મોબાઈલમાંથી ભૂલથી “ક્લોઝ પેમેન્ટ”ની રકમ તમારા બેંક ખાતામાં ટ્રાન્સફર થઈ ગઈ છે. બાદમાં વૃદ્ધને મેસેજ ચેક કરવા કહેવામાં આવ્યું, જેમાં ૪૫,૦૦૦ અને ૫૦,૫૦૦ જમા થયા હોવાનું દર્શાવતું લખાણ હતું.ઠગે કહ્યું કે તે ગૂગલ પેમાં રિક્વેસ્ટ મોકલશે અને કૃપા કરીને રકમ પરત કરી દેવી. વિશ્વાસમાં આવી વૃદ્ધે પ્રથમ ૪૫,૫૦૦ અને ત્યારબાદ ૫૦,૫૦૦ ટ્રાન્સફર કરી દીધા. સામે છેડેથી આભાર માનીને ફોન મૂકી દેવામાં આવ્યો હતો.બીજા દિવસે ફરી ફોન કરીને ઠગે અગાઉની જેમ જ વાત કરી અને ગૂગલ પે રિક્વેસ્ટ મોકલી. આ વખતે ૯૮,૫૦૦ની રકમ ટ્રાન્સફર કરાવવામાં આવી. ઠગોએ ટ્રાન્ઝેક્શન દર્શાવતા નકલી ટેક્સ્ટ મેસેજ પણ મોકલ્યા, જેથી વૃદ્ધને શંકા ન જાય. આમ, અલગ અલગ દિવસોમાં ગૂગલ પે રિક્વેસ્ટ મોકલી અને ફોન પર દબાણ બનાવી કુલ ૫.૫૫ લાખ રૂપિયા પડાવી લીધા. આ ઘટના અંગે શંકા જતા વૃદ્ધે બેંક સ્ટેટમેન્ટ ચકાસ્યું ત્યારે જાણવા મળ્યું કે તેમના ખાતામાં કોઈ રકમ જમા થઈ જ નહોતી. ત્યારબાદ તેમણે ઠગોને સંપર્ક કરવાનો પ્રયાસ કર્યાે, પરંતુ બંને નંબર બંધ મળ્યા હતા.