ભારતનું GDP ત્રીજા ક્વાર્ટરમાં ૭.૮% વૃદ્ધિ સાથે વિશ્વને દેખાડ્યું આર્થિક શક્તિ

ઉત્પાદન ક્ષેત્રમાં તેજી અને સ્થાનિક માંગમાં વધારો આ પ્રભાવશાળી પ્રદર્શન પાછળના મુખ્ય કારણો માનવામાં આવે છે. ઓક્ટોબર-ડિસેમ્બર સમયગાળામાં તહેવારોના વપરાશમાં પણ નોંધપાત્ર વધારો જાેવા મળ્યો, જેનાથી સેવા ક્ષેત્ર અને છૂટક બજારને વેગ મળ્યો. માળખાગત સુવિધાઓ પર સરકારી ખર્ચે પણ આ વૃદ્ધિ દર જાળવવામાં ફાળો આપ્યો છે.
આંકડા પ્રભાવશાળી હોવા છતાં, નિષ્ણાતો માને છે કે વૈશ્વિક ક્રૂડ ઓઇલના ભાવમાં વધઘટ અને વિકસિત દેશોની આર્થિક નીતિઓ ભવિષ્યમાં દેશ માટે પડકારો ઉભા કરી શકે છે. જાેકે, નવીનતમ શ્રેણીમાં ૭.૮% વૃદ્ધિ દર્શાવે છે કે ભારત વિશ્વની સૌથી ઝડપથી વિકસતી મોટી અર્થવ્યવસ્થાઓમાં પોતાનું સ્થાન જાળવી રાખે છે.
નિષ્ણાતોના મતે, તહેવારોની મોસમ દરમિયાન માંગમાં વધારો અને રોકાણ પ્રવૃત્તિમાં સુધારો થવાથી અર્થતંત્રને વેગ મળ્યો હતો. વધુમાં, સરકારના મૂડી ખર્ચ અને માળખાગત પ્રોજેક્ટ્સે પણ સકારાત્મક યોગદાન આપ્યું હતું. સરકારે જણાવ્યું હતું કે નવી શ્રેણી આર્થિક પરિસ્થિતિનું વધુ સચોટ મૂલ્યાંકન કરવાની મંજૂરી આપશે.

ચાલુ નાણાકીય વર્ષ માટે GDP વૃદ્ધિ દર પણ ૭.૪ ટકાથી સુધારીને ૭.૬ ટકા કરવામાં આવ્યો છે. અગાઉ, જાન્યુઆરીમાં જાહેર કરાયેલા અગાઉના અંદાજમાં વૃદ્ધિ દર ૭.૪ ટકા રહેવાનો અંદાજ હતો. ત્રિમાસિક આંકડાઓમાં પણ સુધારો કરવામાં આવ્યો છે. જુલાઈ-સપ્ટેમ્બર ૨૦૨૫-૨૬ માટે વૃદ્ધિ દર ૮.૨ ટકાથી વધારીને ૮.૪ ટકા કરવામાં આવ્યો છે. પ્રથમ ત્રિમાસિક ગાળા માટે વૃદ્ધિ દર ૭.૮ ટકાથી સુધારીને ૬.૭ ટકા કરવામાં આવ્યો છે. નવી આધાર વર્ષ શ્રેણી સાથે જાહેર કરાયેલા આ પ્રાથમિક આંકડા અર્થતંત્રની વર્તમાન સ્થિતિ અને તેના દરોને વધુ સચોટ અને વ્યાપક રીતે રજૂ કરે છે.