ભારત વિરૂદ્ધ હૈદરાબાદ ટેસ્ટના પ્રથમ દાવમાં ઈંગ્લેન્ડનો દિગ્ગજ ખેલાડી જો રૂટ 29 રન બનાવીને આઉટ થયો હતો. પરંતુ આ પહેલા તેણે એક ખાસ રેકોર્ડ પોતાના નામે કરી લીધો છે. રૂટ ભારત-ઈંગ્લેન્ડ ટેસ્ટમાં અત્યાર સુધીમાં સૌથી વધુ રન બનાવનાર બેટ્સમેન બની ગયો છે. તેણે આ મામલે સચિન તેંડુલકરને પાછળ છોડી દીધો છે. રૂટે ટીમ ઈન્ડિયા વિરુદ્ધ ટેસ્ટમાં 2555 રન બનાવ્યા છે.
વાસ્તવમાં ભારત અને ઈંગ્લેન્ડ વચ્ચે સૌથી વધુ ટેસ્ટ રન બનાવવાનો રેકોર્ડ સચિનના નામે હતો. પરંતુ હવે રૂટે આ રેકોર્ડ પોતાના નામે કરી લીધો છે. સચિને 32 ટેસ્ટ મેચમાં 2535 રન બનાવ્યા છે. આ દરમિયાન તેણે 7 સદી અને 13 અડધી સદી ફટકારી છે. સચિનનો સર્વશ્રેષ્ઠ સ્કોર 193 રન છે. જ્યારે રૂટે 46 ટેસ્ટ ઇનિંગ્સમાં 2555 રન બનાવ્યા છે. તેણે 9 સદી અને 10 અડધી સદી ફટકારી છે. રૂટે ભારત સામે બેવડી સદી પણ ફટકારી છે. તેનો સર્વશ્રેષ્ઠ સ્કોર 218 રન છે.
સુનીલ ગાવસ્કર આ યાદીમાં ત્રીજા નંબરે છે. ગાવસ્કરે 38 મેચમાં 2483 રન બનાવ્યા છે. આ દરમિયાન તેણે 4 સદી અને 16 અડધી સદી ફટકારી છે. એલિસ્ટર કૂક ચોથા નંબર પર છે. તેણે 30 મેચમાં 2431 રન બનાવ્યા છે. વિરાટ કોહલી પાંચમા નંબર પર છે. કોહલીએ 28 મેચમાં 1991 રન બનાવ્યા છે. કોહલીએ આ દરમિયાન 5 સદી અને 9 અડધી સદી ફટકારી છે.
નોંધનીય છે કે ભારત સામે સૌથી વધુ ટેસ્ટ રન બનાવનાર ખેલાડીઓની એકંદર યાદીમાં રૂટ સંયુક્ત રીતે નંબર વન પર છે. ઓસ્ટ્રેલિયાનો ખેલાડી રિકી પોન્ટિંગ પણ આ મામલે ટોપ પર છે. પોન્ટિંગે 29 મેચમાં 2555 રન બનાવ્યા છે. જ્યારે રૂટે 26 મેચમાં 2555 રન બનાવ્યા છે. રૂટનો ઓવરઓલ રેકોર્ડ પણ શાનદાર છે. કૂક આ યાદીમાં બીજા નંબરે છે. ક્લાઈવ લોઈડ ત્રીજા નંબર પર છે.
