બ્રિટનમાં મોટા પાયે સાયબર એટેક થયો છે. મળતી માહિતી મુજબ, 19 રેલવે સ્ટેશન પર પબ્લિક વાઈ-ફાઈ નેટવર્ક હેક કરવામાં આવ્યું હતું. બુધવારે આ નેટવર્ક હેક કરવામાં આવ્યું હતું. જેની અસર ગુરુવારે પણ રહી હતી. હજુ સુધી આ નેટવર્ક રિકવર થયું નથી. બ્રિટિશ ટ્રાન્સપોર્ટ પોલીસ (BTP) સાયબર હુમલાની તપાસ કરી રહી છે.
આતંકવાદી હુમલાની ચેતવણી
ખાસ વાત એ છે કે હેકર્સે Wi-Fi નેટવર્ક હેક કર્યું હતું અને આતંકવાદી હુમલાની ચેતવણી પણ આપી હતી. નેટવર્ક રેલે જણાવ્યું હતું કે લંડનના કેટલાક સ્ટેશનોને નિશાન બનાવવામાં આવ્યા હતા. સ્ટેશનો પર વાઇ-ફાઇ પર લૉગ ઇન કરવાનો પ્રયાસ કરતા મુસાફરોને યુરોપમાં આતંકવાદી હુમલા અંગેનો સંદેશ મળ્યો હતો. વિચિત્ર સુરક્ષા ચેતવણીઓ અને શંકાસ્પદ પોપ-અપ સ્ક્રીન પર દેખાવા લાગ્યા. જેના કારણે તેઓ ડરી ગયા હતા. જો કે, અધિકારીઓને આ અંગેની માહિતી મળતા જ તેઓએ તરત જ વાઈ-ફાઈને ઓફલાઈન કરી લીધું હતું.
આ સપ્તાહના અંત સુધીમાં સેવા પુનઃસ્થાપિત કરવામાં આવશે
રેલવે પ્રવક્તાના જણાવ્યા અનુસાર, “આ ઘટનાની સંપૂર્ણ તપાસ કરવામાં આવશે. Wi-Fi તૃતીય પક્ષો દ્વારા પ્રદાન કરવામાં આવે છે. જો કે, તેમાં કોઈ વ્યક્તિગત ડેટા એકત્રિત કરવામાં આવતો નથી. “અમે અપેક્ષા રાખીએ છીએ કે એકવાર અંતિમ સુરક્ષા તપાસ પૂર્ણ થઈ જાય પછી આ સપ્તાહના અંત સુધીમાં સેવા પુનઃસ્થાપિત થઈ જશે.”
🚨 Cyber attackers have struck again! 🚨
The recent cyber attack at Network Rail has disrupted Wi-Fi systems at 19 UK railway stations, including major hubs like London, Manchester, Birmingham, and more.
👉 Read the article here: https://t.co/NqQe73gFLE#CyberAttack
— Transputec Ltd (@Transputec) September 26, 2024
માસ્ટરમાઇન્ડ કોણ હોઈ શકે?
એવું કહેવામાં આવી રહ્યું છે કે આ હેકિંગ ઈન્ટરનેટ સર્વિસ પ્રોવાઈડરના એક ઈન્સાઈડરના એકાઉન્ટથી કરવામાં આવ્યું છે. તે તૃતીય પક્ષ દ્વારા સંચાલિત છે. તમને જણાવી દઈએ કે આ મહિનાની શરૂઆતમાં ટ્રાન્સપોર્ટ ફોર લંડન (TfL) પર સાયબર એટેક થયો હતો. આ હુમલા બાદ આશંકા વ્યક્ત કરવામાં આવી હતી કે યુઝર્સની માહિતી લીક થઈ શકે છે. TfL હેક કરવા બદલ વેસ્ટ મિડલેન્ડના એક કિશોરની ધરપકડ કરવામાં આવી છે.
