Narendra Modi : ભારતના વડાપ્રધાન નરેન્દ્ર મોદી પોલેન્ડ જવા રવાના થઈ ગયા છે. રવાના થતા પહેલા વડાપ્રધાન મોદીએ કહ્યું કે પોલેન્ડની તેમની મુલાકાત બંને દેશો વચ્ચેના રાજદ્વારી સંબંધોના 70 વર્ષ પૂર્ણ થવાના અવસર પર થઈ રહી છે.
ભારતના વડાપ્રધાન નરેન્દ્ર મોદી પોલેન્ડ જવા રવાના થઈ ગયા છે. પોલેન્ડ બાદ પીએમ મોદી યુક્રેનની મુલાકાતે પણ જવાના છે. છેલ્લા 45 વર્ષમાં ભારતીય વડાપ્રધાનની પોલેન્ડની આ પ્રથમ મુલાકાત છે. પીએમ મોદીનું પોલેન્ડના વોર્સોમાં ઔપચારિક સ્વાગત કરવામાં આવશે. અહીં તેઓ રાષ્ટ્રપતિ એન્ડ્રેજ સેબેસ્ટિયન ડુડાને મળશે અને વડાપ્રધાન ડોનાલ્ડ ટસ્ક સાથે દ્વિપક્ષીય વાટાઘાટો કરશે. આ સિવાય પીએમ મોદી પોલેન્ડમાં રહેતા ભારતીય સમુદાયના લોકોને પણ મળશે.
પોલેન્ડની મુલાકાત બાદ પીએમ મોદી યુક્રેન જશે. 1992માં બંને દેશો વચ્ચે રાજદ્વારી સંબંધોની સ્થાપના બાદ ભારતીય વડાપ્રધાન દ્વારા યુક્રેનની આ પ્રથમ મુલાકાત હશે.
લોડ્ઝના ગવર્નરે શું કહ્યું?
લોડ્ઝના ગવર્નરે શું કહ્યું?લોડ્ઝના ગવર્નર ડોરોટા રિલે પીએમ મોદીની મુલાકાતને પોલેન્ડ અને પ્રદેશ માટે મહત્વપૂર્ણ ગણાવી છે. તેમણે ભારત અને પોલેન્ડના સંબંધોનો પણ ઉલ્લેખ કર્યો હતો. તેમણે કહ્યું કે પોલેન્ડ ભારતને વેપાર અને અન્ય સહયોગ માટે મુખ્ય ભાગીદાર તરીકે જુએ છે. પોલેન્ડના ઘણા બિઝનેસ ડેલિગેશન નિયમિતપણે ભારતની મુલાકાત લે છે, એમ રિલે જણાવ્યું હતું.
પોલેન્ડ બાદ પીએમ મોદી યુક્રેન જશે
પોલેન્ડ બાદ વડાપ્રધાન નરેન્દ્ર મોદી યુક્રેનની પણ મુલાકાત લેશે જ્યાં તેઓ વેપાર, માનવતાવાદી સહાય અને અન્ય ક્ષેત્રોમાં દ્વિપક્ષીય સંબંધો પર ચર્ચા કરશે. યુક્રેનમાં તેઓ વિદ્યાર્થીઓ અને ભારતીય સમુદાયના અન્ય લોકોને પણ મળશે. માનવામાં આવે છે કે વડાપ્રધાન મોદીની આ મુલાકાતથી બંને દેશોના સંબંધો વધુ મજબૂત થશે. આ પહેલા વડાપ્રધાન મોદી રશિયાની મુલાકાતે ગયા હતા, જ્યાં તેમને રશિયાના સર્વોચ્ચ સન્માનથી નવાજવામાં આવ્યા હતા.
