શેરબજારમાં મિડલ ઈસ્ટ તણાવથી મોટી ક્ષતિ, સેન્સેક્સ-નિફ્ટી પોઈન્ટે ઝડપી ઘટા

આ અઠવાડિયે શેરબજારમાં ઘણા સેક્ટરો પર દબાણ જાેવા મળ્યું. જેમાં સૌથી વધુ ઘટાડો ઓટો સેક્ટરમાં નોંધાયો હતો. સમગ્ર સપ્તાહ દરમિયાન ઓટો સેક્ટર આશરે ૧૦.૬૪ ટકા તૂટી ગયું. જેના કારણે ઓટો ઈન્ડેક્સ ૨૬,૭૭૦ અંકથી ઘટીને લગભગ ૨૪,૧૯૫ ના સ્તર સુધી આવી ગયો. વેચવાલીના દબાણે ઓટો સેક્ટર પર સૌથી વધુ અસર છોડી છે.

ઓટો પછી ઘટાડાની બાબતમાં PSU બેંક સેક્ટર બીજા ક્રમે રહ્યું, જેમાં આશરે ૭.૨૭ ટકાની નબળાઈ આવી. આ ઉપરાંત મેટલ સેક્ટર ૫.૯૦ ટકા, રિયલ એસ્ટેટ ૪.૩૫ ટકા, ઓઈલ એન્ડ ગેસ ૪.૨૫ ટકા અને આઈટી સેક્ટરમાં લગભગ ૩.૫૪ ટકાનો ઘટાડો જાેવા મળ્યો હતો.

અનિશ્ચિતતા ભરેલા વાતાવરણ વચ્ચે વિદેશી રોકાણકારો સતત ભારતીય બજારથી અંતર બનાવી રહ્યા છે. શુક્રવાર ૧૩ માર્ચે પણ વિદેશી રોકાણકારો તરફથી જાેરદાર વેચવાલી જાેવા મળી હતી. ઉપલબ્ધ આંકડા મુજબ  FPI અને FII એ તે દિવસે આશરે ૧૦,૭૧૬.૬૪ કરોડ રૂપિયાના શેર વેચ્યા છે. આ છેલ્લા એક વર્ષથી વધુ સમયમાં કોઈ એક દિવસની સૌથી મોટી વેચવાલી માનવામાં આવે છે.

આખા સપ્તાહના આંકડાઓની વાત કરીએ તો, વિદેશી રોકાણકારોનું વલણ વેચવાલી તરફ જ રહ્યું. તેમણે કુલ મળીને લગભગ ૩૬,૦૭૧ કરોડ રૂપિયાના ઇક્વિટી શેર વેચ્યા. જાેકે ઘરેલું સંસ્થાકીય રોકાણકારો (DII) એ બજારને થોડો ટેકો આપ્યો અને આ સમયગાળા દરમિયાન આશરે ૩૭,૭૪૦ કરોડ રૂપિયાની ચોખ્ખી ખરીદી કરી. તેમ છતાં શેરબજારને ટેકો મળ્યો નહીં અને પ્રમુખ ઈન્ડેક્સ ટામેટાની જેમ લાલ થઈ ગયા.