ઉત્તર કોરિયાના શસ્ત્ર કાર્યક્રમમાં આ એક સીમાચિહ્નરૂપ પગલું છે : કિમ જાેંગ.ઉત્તર કોરિયાએ ‘સુપર પાવર’ મિસાઇલનું સફળ પરીક્ષણ કર્યું.ગયા વર્ષે સપ્ટેમ્બરમાં કરવામાં આવેલા હાઈ-થ્રસ્ટ સોલિડ-ફ્યુઅલ એન્જિન ટેસ્ટની સરખામણીએ આ વખતનું એન્જિન ઘણું શક્તિશાળી છે.ઉત્તર કોરિયાએ ફરી એકવાર પોતાની સૈન્ય શક્તિનું પ્રદર્શન કરતા ‘સુપર પાવર’ મિસાઇલનું સફળ પરીક્ષણ કર્યું છે. આ ઐતિહાસિક ક્ષણે દેશના સર્વાેચ્ચ નેતા કિમ જાેંગ ઉન ખુદ હાજર રહ્યા હતા અને તેમણે અપગ્રેડ કરવામાં આવેલા રોકેટ એન્જિનના ગ્રાઉન્ડ ટેસ્ટનું નિરીક્ષણ કર્યું હતું. રવિવારે સરકારી મીડિયાએ આ માહિતી આપતા જણાવ્યું કે, ઉત્તર કોરિયાના શસ્ત્ર કાર્યક્રમમાં આ એક સીમાચિહ્નરૂપ પગલું છે.ડિફેન્સ એક્સપર્ટ્સનું માનવું છે કે ઉત્તર કોરિયા હવે ઇન્ટરકોન્ટિનેન્ટલ બેલિસ્ટિક મિસાઇલ લોન્ચ કરવા માટે પોતાના સોલિડ-ફ્યુઅલ રોકેટ એન્જિનનો ઉપયોગ કરવાની યોજના બનાવી રહ્યું છે.
આ એવી મિસાઇલ છે જેની પહોંચમાં હવે અમેરિકાના શહેરો પણ આવી જશે. આ નવા એન્જિનની મદદથી મિસાઇલને અત્યંત ઝડપથી લોન્ચ કરી શકાય છે, કારણ કે પ્રવાહી ઇંધણની સરખામણીએ તેને છોડતા પહેલા ખૂબ જ ઓછી તૈયારીની જરૂર પડે છે.કોરિયન સેન્ટ્રલ ન્યૂઝ એજન્સી અનુસાર, આ પરીક્ષણ પંચવર્ષીય નેશનલ ડિફેન્સ ડેવલપમેન્ટ પ્લાનનો એક મહત્વનો ભાગ હતો. કિમ જાેંગ ઉને આ પ્રસંગે જણાવ્યું હતું કે, ઉત્તર કોરિયાની સંરક્ષણ ક્ષમતાઓ હવે સ્ટ્રેટેજિક તાકાત બનાવવાના એક મોટા પરિવર્તનકારી યુગમાં પ્રવેશી ચૂકી છે. આ પરીક્ષણ દેશની સૈન્ય શક્તિને આગામી સ્તર પર લઈ જવા માટે અત્યંત આવશ્યક હતું.ઉલ્લેખનીય છે કે ગયા વર્ષે સપ્ટેમ્બરમાં કરવામાં આવેલા હાઈ-થ્રસ્ટ સોલિડ-ફ્યુઅલ એન્જિન ટેસ્ટની સરખામણીએ આ વખતનું એન્જિન ઘણું શક્તિશાળી છે. અગાઉના એન્જિનની ક્ષમતા ૧,૯૭૧ કિલોન્યૂટન હતી, જ્યારે આ નવા એન્જિનની ક્ષમતા ૨,૫૦૦ કિલોન્યૂટન છે, જે મિસાઇલને પ્રચંડ વેગ આપે છે. આ પરીક્ષણ કિમ જાેંગ ઉનના એ ભાષણના થોડા દિવસો બાદ કરવામાં આવ્યું છે જેમાં તેમણે ઉત્તર કોરિયાને ‘અપરિવર્તનીય’ પરમાણુ શક્તિ જાહેર કર્યું હતું. કિમે અમેરિકા પર વૈશ્વિક આતંકવાદ અને આક્રમકતા ફેલાવવાનો આરોપ મૂકતા પોતાના પરમાણુ કાર્યક્રમને યોગ્ય ઠેરવ્યો હતો.૨૯ માર્ચ, ૨૦૨૬ના રોજ જાહેર કરવામાં આવેલી તસવીરોમાં અજાણ્યા સ્થળે થઈ રહેલા આ એન્જિન પરીક્ષણની જ્વાળાઓ અને તેમાંથી નીકળતો પ્રકાશ સ્પષ્ટ જાેઈ શકાય છે. સોલિડ-ફ્યુઅલ મિસાઇલોની ખાસિયત એ છે કે તેમને દુશ્મન દેશ દ્વારા ઈન્ટરસેપ્ટ કરવી મુશ્કેલ હોય છે, જેના કારણે દક્ષિણ કોરિયા અને અમેરિકાની ચિંતામાં વધારો થયો છે.
