ફિલ્મની વાર્તા અને પાત્રો વિશેની વિગતો હાલ ગુપ્ત રાખવામાં આવી લક્ષ્ય અને પ્રોસિત રોય સાથેની આગામી ફિલ્મ અંગે વેદિકા પિન્ટોએ ખોલ્યું સસ્પેન્સ! ધર્મા પ્રોડક્શન્સની અનામી ફિલ્મમાં રોમાન્સ અને થ્રિલનું મિશ્રણ જાેવા મળશે, સ્ક્રિપ્ટ વાંચતાં અભિનેત્રીના ધબકારા વધી ગયા હતા અભિનેત્રી વેદિકા પિન્ટોએ પોતાની આગામી ફિલ્મ વિશે રસપ્રદ માહિતી શેર કરી છે. આ ફિલ્મમાં તે દિગ્દર્શક પ્રોસિત રોય અને અભિનેતા લક્ષ્ય સાથે કામ કરશે. તાજેતરમાં નેટફ્લિક્સની સિરીઝ મુસાફિર કેફેમાં જાેવા મળેલી વેદિકાએ જણાવ્યું કે આ પ્રોજેક્ટનું નિર્માણ કરણ જાેહર કરી રહ્યા છે અને ફિલ્મ ધર્મા પ્રોડક્શન્સના બેનર હેઠળ બની રહી છે.વેદિકાએ ફિલ્મને રોમાન્સ અને થ્રિલરનું અનોખું મિશ્રણ ગણાવ્યું છે. સાથે જ તેણે સંકેત આપ્યો કે આ ફિલ્મ ધર્મા પ્રોડક્શન્સની અત્યાર સુધીની પરંપરાગત ફિલ્મોથી કંઈક અલગ હશે.ફિલ્મ વિશે વાત કરતાં વેદિકાએ કહ્યું, “હું ખૂબ જલદી એક ફિલ્મ કરી રહી છું અને તેનું શૂટિંગ શરૂ થશે. આ ફિલ્મ રાખ અને પાતાલ લોક સાથે જાેડાયેલા પ્રોસિત રોય સાથે છે અને હું તેને લઈને ખૂબ જ ઉત્સાહિત છું. તેમાં મારી સાથે લક્ષ્ય છે અને કરણ જાેહર તેનું નિર્માણ કરી રહ્યા છે. આ ધર્મા ફિલ્મ છે.”તેણે વધુમાં કહ્યું, “આ ફિલ્મ તમે જાેયેલી મોટાભાગની ધર્મા ફિલ્મોથી અલગ હશે. તેમાં રોમાન્સ છે, પરંતુ સાથે ઘણો થ્રિલ પણ છે. એટલે કે રોમાન્સ અને થ્રિલનું મિશ્રણ છે. મને લાગે છે કે આ ફિલ્મ ખૂબ જ અનોખી છે. એક વાત ચોક્કસ કહી શકું છું કે કોઈ નવલકથા કે સ્ક્રિપ્ટ વાંચતી વખતે મારા ધબકારા આટલા ક્યારેય વધ્યા નહીં હોય, જેટલા આ સ્ક્રિપ્ટ વાંચતી વખતે વધ્યા હતા.”ફિલ્મની વાર્તા અને પાત્રો વિશેની વિગતો હાલ ગુપ્ત રાખવામાં આવી છે. જાેકે વેદિકાની વાત પરથી સ્પષ્ટ થાય છે કે ફિલ્મમાં રોમાન્સ અને થ્રિલ બંનેનો રસપ્રદ સંગમ જાેવા મળશે. પ્રોસિત રોય સાથેનું તેનું આ પ્રથમ સર્જનાત્મક જાેડાણ છે અને હવે તે લક્ષ્ય સાથે પણ નવી જાેડીમાં જાેવા મળશે.વેદિકા અગાઉ ઓપરેશન રોમિયો અને ગુમરાહ જેવી ફિલ્મોમાં જાેવા મળી ચૂકી છે. તાજેતરમાં મુસાફિર કેફેમાં સુધાનું પાત્ર ભજવીને તેણે દર્શકોની પ્રશંસા મેળવી હતી. હવે તેની આગામી ફિલ્મ તેને એક અલગ જ પ્રકારની ભૂમિકામાં રજૂ કરવાની તૈયારીમાં છે, જેમાં રોમાન્સની સાથે થ્રિલરનો તડકો પણ હશે.આ પ્રોજેક્ટ સ્વીકારવામાં સ્ક્રિપ્ટે મહત્વની ભૂમિકા ભજવી હોવાનું પણ વેદિકાની વાત પરથી જણાય છે. સ્ક્રિપ્ટ વાંચતી વખતે અનુભવાયેલા અસાધારણ ઉત્સાહને કારણે તે ફિલ્મના શૂટિંગની આતુરતાથી રાહ જાેઈ રહી છે.દરમિયાન, વેદિકા મુસાફિર કેફે સીઝન ૨માં પણ સુધાના પાત્ર સાથે પરત ફરશે. આમ, લક્ષ્ય અને પ્રોસિત રોય સાથેની આગામી ફિલ્મ તથા મુસાફિર કેફે સીઝન ૨—બંને પ્રોજેક્ટ્સ સાથે વેદિકા અલગ-અલગ પ્રકારના પાત્રો દ્વારા પોતાની અભિનયની વિવિધતા દર્શાવવા માટે તૈયાર છે.
