મેરી કોમ બાયોપિકથી નારાજ, સંઘર્ષની વાત કરી પ્રિયંકા ચોપરાની ફિલ્મમાં સંઘર્ષનો માત્ર ૧૦ ટકા ભાગ બતાવ્યો બોક્સર મેરી કોમે બાયોપિકની સચ્ચાઈ પર ઉઠાવ્યા સવાલ, સીક્વલ બનાવવાની શક્યતા પણ નકારી સલમાન ખાનના શો ‘બિગ બોસ ૨૦’માંથી બહાર થયા બાદ બોક્સર મેરી કોમે પોતાની બાયોપિકને લઈને નારાજગી વ્યક્ત કરી છે. વર્ષ ૨૦૧૪માં રિલીઝ થયેલી આ ફિલ્મમાં પ્રિયંકા ચોપરાએ મુખ્ય ભૂમિકા ભજવી હતી. એક ઈન્ટરવ્યુમાં મેરીએ કહ્યું કે આ ફિલ્મ તેમના જીવન અને સંઘર્ષાે સાથે ન્યાય કરી શકી નથી. તેમના મતે, તેમાં તેની અથાગ મહેનત અને સંઘર્ષાેનો માત્ર ૧૦ ટકા હિસ્સો જ બતાવવામાં આવ્યો હતો.મેરીને જ્યારે વર્ષ ૨૦૧૪માં આવેલી બાયોપિક ફિલ્મના સીક્વલની સંભાવના વિશે પૂછવામાં આવ્યું, ત્યારે તેમણે કહ્યું, “મને નથી લાગતું કે હવે કોઈ સીક્વલ આવવી જાેઈએ, દરેક વ્યક્તિ મારી કહાની જાણે છે. મારી કારકિર્દી અને મારી સફર પહેલેથી જ ફિલ્મ અને મારી પુસ્તક ‘અનબ્રેકેબલ’માં બતાવવામાં આવી ચૂકી છે. જાેકે, આ બાયોપિક સંપૂર્ણપણે સાચી નહોતી. મને લાગ્યું કે કહાનીના કેટલાક હિસ્સા સાચા નહોતા.”મેરીએ આગળ કહ્યું, “તેમાં મારા સંઘર્ષનો માત્ર ૧૦ ટકા હિસ્સો જ બતાવવામાં આવ્યો હતો. જાે તમે મારી પુસ્તક વાંચશો, તો જ તમે મારા સંઘર્ષ અને અથાગ મહેનતને સમજી શકશો. આગળના જીવનમાં શું થશે, તે તો નથી ખબર, પરંતુ મારી એવી જ કામના છે કે ભવિષ્ય સુખદ અને સરળ હોય. લોકો જાણવા માંગે છે કે શું મારી જિંદગીમાં પ્રેમ માટે કોઈ જગ્યા હશે. જાે ભવિષ્યમાં એવું કંઈક થાય છે, તો હું જાતે જ નક્કી કરીશ.”મેરીએ આગળ શો વિશે વાત કરતા કહ્યું, “હું શોમાં બિલકુલ પણ બનાવટી નહોતી. મને લાગ્યું કે આ બિલકુલ સાચો સમય હતો. લોકોએ મને અલગ દૃષ્ટિથી જાેઈ હતી, પરંતુ મને તેની કોઈ પરવા નહોતી. મને ખબર છે કે લોકો મને પ્રેમ કરે છે અને હવે તેઓ અસલી મેરીને પણ જાણી ગયા છે. હું તેમને એ માણસ બતાવવા માંગતી હતી, જે જીવનમાં આટલી અથાગ મહેનત કરીને અહીં સુધી પહોંચી છે.”મેરીએ આગળ કહ્યું, “મેં મારી આખી જિંદગી દાવ પર લગાવી દીધી. ૨૦ વર્ષ સુધી કોણ રમી શકે? મેં મારા કામોથી સાબિત કરી દીધું કે હું કેટલી અસલી છું. તમે ૭ અઠવાડિયા સુધી દેખાડો ન કરી શકો. ક્યારેક-ક્યારેક હું વિચારતી હતી કે હું આ રીતે કેવી રીતે રહીશ, પરંતુ મને તેમાં મજા આવી.” શોના ૭ અઠવાડિયા બાદ, વીકેન્ડ કા વાર એપિસોડમાં મેરીની સફર પૂરી થઈ ગઈ.
