નકાસ ક્ષેત્રે ટ્રમ્પ ટેરિફની પ્રતિકૂળ અસર: રિફંડ ૨૦ ટકા ઘટ્ય.ઓગસ્ટમાં ય્જી્ની આવક ૬.૫% વધીને રૂ.૧.૮૬ લાખ કરોડ.ચાલુ વર્ષે ઓગસ્ટમાં કુલ સ્થાનિક આવક ૯.૬ ટકાના વધારા સાથે રૂ. ૧.૩૭ લાખ કરોડ રહી હતી. દેશમાં ઓગસ્ટમાં ગુડ્ઝ એન્ડ સર્વિસ ટેક્સ વસૂલાત ૬.૫ ટકા વધીને રૂ. ૧.૮૬ લાખ કરોડ રહ્યું હતું. તહેવારોના આગમનને પગલે સ્થાનિક વેચાણમાં વૃદ્ધિથી જીએસટી આવકમાં ઊછાળો નોંધાયો હતો. આગામી સમયમાં પણ તહેવારોનો માહોલ ચાલુ રહેતા જીએસટી વસૂલાત પર તેની સાનુકૂળ અસર જાેવા મળશે તેવી અપેક્ષા છે.
જુલાઈમાં જીએસટી વસૂલાત રૂ. ૧.૯૬ લાખ કરોડના સ્તરે રહી હતી. જ્યારે ગત વર્ષે ઓગસ્ટમાં (૨૦૨૪) જીએસટી વસૂલાત રૂ. ૧.૭૫ લાખ કરોડની સપાટીએ હોવાનું કેન્દ્રએ જણાવ્યું હતું. ચાલુ વર્ષે ઓગસ્ટમાં કુલ સ્થાનિક આવક ૯.૬ ટકાના વધારા સાથે રૂ. ૧.૩૭ લાખ કરોડ રહી હતી. તથા આયાતથી ટેક્સની આવક ૧.૨ ટકા ઘટીને રૂ. ૪૯,૩૫૪ કરોડ હતી. વાર્ષિક ધોરણે જીએસટી રિફંડ ૨૦ ટકા ગગડીને રૂ. ૧૯,૩૫૯ કરોડ થયું હતું. અર્નસ્ટ એન્ડ યંગ ટેક્સ પાર્ટનર સૌરભ અગ્રવાલે જણાવ્યું કે, ટ્રમ્પ ટેરિફની પ્રતિકૂળ અસર નિકાસ ક્ષેત્રમાં જાેવા મળી હતી અન પરિણામે નિકાસ રિફંડમાં ઉલ્લેખનીય ઘટાડો નોંધાયો હતો.
વૈશ્વિક અનિશ્ચિતતા અને ભૂરાજકીય તણાવ વચ્ચે પણ સ્થાનિક વપરાશનું ચિત્ર મજબૂત જણાયું છે જેને પગલે જીએસટીની કુલ આવક પ્રોત્સાહક રહી છે. આગામી સમયમાં ભારતના વિકાસમાં સ્થાનિક ક્ષેત્રનો ફાળો નોંધપાત્ર રહેવાની આશા છે. ઓગસ્ટમાં નેટ જીએસટી આવક રૂ. ૧.૬૭ લાખ કરોડ રહી હતી જે વર્ષ દર વર્ષના ધોરણે ૧૦.૭ ટકા વધારો સુચવે છે. જીએસટી વસૂલાતમાં વધારો જીડીપી વૃદ્ધિના આંકની સમાંતર રહેતા જીએસટી ૨.૦ માટે મક્કમતાપૂર્વક આગળ વધવા નીતિઘડવૈયાઓનો વિશ્વાસ મજબૂત કરશેે.
