સ્થળ અને તારીખ જાહેર કરાઈ દિલજીત દોસાંજની મોટી જાહેરાત, અમદાવાદમાં કરશે મેગા પરફોર્મન્સ વર્ષ ૨૦૨૪માં યોજાયેલા સફળ ‘Dil-Luminati India Tour’ બાદ અમદાવાદમાં તેમનો આ પહેલો મોટો શો હશે
પંજાબી સુપરસ્ટાર દિલજીત દોસાંજે પોતાના ચાહકોને મોટી ખુશખબર આપી છે. લંડનના ઐતિહાસિક વેમ્બલી સ્ટેડિયમમાં યોજાયેલા હાઉસફુલ કોન્સર્ટ દરમિયાન તેમણે જાહેરાત કરી હતી કે તેઓ અમદાવાદના નરેન્દ્ર મોદી સ્ટેડિયમમાં ગ્રાન્ડ લાઈવ પરફોર્મન્સ આપવાના છે. આ જાહેરાત બાદ ભારતમાં તેમના ચાહકોમાં ભારે ઉત્સાહ જાેવા મળી રહ્યો છે.દિલજીત દોસાંજ પોતાના ‘Aura World Tour’ અંતર્ગત વેમ્બલી સ્ટેડિયમમાં પરફોર્મ કરી રહ્યા હતા ત્યારે તેમણે અમદાવાદ શોની જાહેરાત કરી હતી. તેમણે જણાવ્યું હતું કે ૨૧ નવેમ્બર, ૨૦૨૬ના રોજ તેઓ નરેન્દ્ર મોદી સ્ટેડિયમમાં લાઈવ પરફોર્મ કરશે. વર્ષ ૨૦૨૪માં યોજાયેલા સફળ ‘Dil-Luminati India Tour’ બાદ અમદાવાદમાં તેમનો આ પહેલો મોટો શો હશે.જાેકે કોન્સર્ટની તારીખ અને સ્થળ જાહેર કરવામાં આવ્યા છે, પરંતુ ટિકિટ વેચાણ, ભાવ અને બુકિંગ પ્રક્રિયા અંગેની વિગતો હજુ સુધી જાહેર કરવામાં આવી નથી. ચાહકો હવે સત્તાવાર જાહેરાતની રાહ જાેઈ રહ્યા છે.કોલ્ડપ્લેનો ઉલ્લેખ કરીને કહી રસપ્રદ વાતસ્ટેજ પરથી વાત કરતા દિલજીત દોસાંજે નરેન્દ્ર મોદી સ્ટેડિયમને દેશનું સૌથી મોટું અને ભવ્ય સ્ટેડિયમ ગણાવ્યું હતું. આ દરમિયાન તેમણે બ્રિટિશ રૉક બેન્ડ કોલ્ડપ્લે નો પણ ઉલ્લેખ કર્યાે હતો. તેમણે કહ્યું હતું કે તાજેતરમાં એક વિદેશી બેન્ડે આ સ્ટેડિયમની તમામ ટિકિટ વેચી દીધી હતી, જે ગર્વની વાત છે.પોતાના મજેદાર અંદાજમાં તેમણે કહ્યું હતું કે, ભારતમાં આટલું મોટું સ્ટેડિયમ હોય અને ત્યાં કોઈ પંજાબી કલાકાર જઈને પોતાની હાજરી ન નોંધાવે, એવું શક્ય જ નથી. તેમના આ નિવેદન પર સ્ટેડિયમમાં હાજર હજારો ચાહકોએ જાેરદાર તાળીઓ પાડી હતી.લંડનમાં યોજાયેલો આ કોન્સર્ટ દિલજીત દોસાંજ માટે ખાસ રહ્યો હતો. તેઓ વેમ્બલી સ્ટેડિયમમાં હેડલાઈનર તરીકે પરફોર્મ કરનારા પ્રથમ પંજાબી કલાકાર બન્યા છે. તેમણે પોતાના લોકપ્રિય ડાયલોગ ‘Punjabi Aa Gaye Wembley Oye!’ સાથે શોની શરૂઆત કરી હતી અને તેને ઐતિહાસિક ક્ષણ ગણાવી હતી.૨ કલાકથી વધુ સમય ચાલેલા આ શોમાં દિલજીત દોસાંજે પોતાના સુપરહિટ ગીતો ‘GOAT’, ‘Lover’, ‘Hans Hans’ અને ‘Born To Shine’ રજૂ કર્યા હતા. લગભગ ૯૦ હજાર ક્ષમતાવાળું સ્ટેડિયમ ચાહકોથી ખચાખચ ભરાયેલું હતું અને સમગ્ર શો દરમિયાન લોકો સંગીતના તાલે ઝૂમતા જાેવા મળ્યા હતા.કોન્સર્ટ દરમિયાન દિલજીત દોસાંજે દર્શકો સાથે ખાસ જાેડાણ બનાવ્યું હતું. તેમણે ભીડમાંથી કેટલાક બાળકો તેમજ એક વૃદ્ધ મહિલા ચાહકને સ્ટેજ પર બોલાવી તેમની સાથે વાતચીત પણ કરી હતી, જેના કારણે કાર્યક્રમ વધુ યાદગાર બની ગયો હતો.કોન્સર્ટનો અંત તેમના લોકપ્રિય ટ્રેક ‘Main Hoon Punjabi’ અને ભવ્ય આતશબાજી સાથે થયો હતો. વેમ્બલી સ્ટેડિયમની આ યાદગાર સાંજે માત્ર લંડનના ચાહકોને જ નહીં, પરંતુ અમદાવાદમાં યોજાનારા આગામી કોન્સર્ટ માટે પણ ભારે ઉત્સુકતા જગાવી દીધી છે.
