T20માં સૌથી વધુ અર્ધસદી ફટકારનાર બેટર બાબરે વિરાટ કોહલીના રેકોર્ડની બરાબરી કરી બાબરની T20I ઈન્ટરનેશનલમાં ૩૮મી અર્ધસદી હતી, આ સાથે જ તેણે કોહલીના વર્લ્ડ રેકોર્ડની બરાબરી કરી
બાબર આઝમે ઝિમ્બાબ્વે સામે ટ્રાઈ સીરિઝની ચોથી મેચમાં પોતાનાT20I કરિયરની ૩૮મી અર્ધસદી ફટકારી છે. આ સાથે જ તેણે વિરાટ કોહલીના વર્લ્ડ રેકોર્ડની બરાબરી કરી લીધી છે. તો ચાલો T20I માં સૌથી વધુ અર્ધસદી ફટકારનારા ટોપ-૫ બેટ્સમેનો વિશે જાણીએ.
બાબર આઝમ : બાબર આઝમે ઝિમ્બાબ્વે સામે ૭૪ શાનદાર ઈનિંગ રમીને પાકિસ્તાનને ફાઈનલમાં પહોંચાડવામાં મહત્વપૂર્ણ ભૂમિકા ભજવી હતી. બાબરની T20I ઈન્ટરનેશનલમાં ૩૮મી અર્ધસદી હતી. આ સાથે જ તેણે વિરાટ કોહલીના વર્લ્ડ રેકોર્ડની બરાબરી કરી લીધી છે.
વિરાટ કોહલી : T20 વર્લ્ડ કપ ૨૦૨૪નો ખિતાબ જીત્યા બાદ ક્રિકેટના સૌથી નાના ફોર્મેટમાંથી નિવૃત્તિ લઈ ચૂકેલા વિરાટ કોહલીએ પોતાના T20 કરિયરમાં સૌથી વધુ ૩૮ અર્ધસદી ફટકારી હતી. પરંતુ હવે બાબર આઝમ તેની પાસેથી આ તાજ છીનવી લેવાની કગાર પર છે.
રોહિત શર્મા : પૂર્વ ભારતીય કેપ્ટન રોહિત શર્મા આ લિસ્ટમાં ૩૨ અર્ધસદી સાથે ત્રીજા ક્રમ પર છે. તેણે પોતાના T20I ઈન્ટરનેશનલ કરિયરમાં ૧૫૧ ઈનિંગ્સમાં આ ૩૨ અર્ધસદી ફટકારી છે.
મોહમ્મદ રિઝવાન : પાકિસ્તાનના વિકેટકીપર-બેટ્સમેન મોહમ્મદ રિઝવાનનું નામ પણ આ લિસ્ટમાં સામેસ છે. રિઝવાને અત્યાર સુધીમાં પોતાના T20I કરિયરમાં ૩૦ અર્ધસદી ફટકારી છે.
ડેવિડ વોર્નર : ઈન્ટરનેશનલ ક્રિકેટમાંથી નિવૃત્તિ લઈ ચૂકેલા ડેવિડ વોર્નર હજુ પણ ટોપ-૫ બેટ્સમેનોના લિસ્ટમાં સામેલ છે. વોર્નરે પોતાનાT20I ઈન્ટરનેશનલ કરિયરમાં ૨૮ અર્ધસદી ફટકારી હતી. આ ઉપરાંત ઈંગ્લેન્ડના પૂર્વ કેપ્ટન જાેસ બટલરના નામે પણ આ ફોર્મેટમાં ૨૮ અર્ધસદીનો રેકોર્ડ છે.
